Luke 23:22 - Sa Ugud Apudyus

²² Piḵlun ḵad Pilate we naḵaugud ḵan dida, ḵanana, “Ngaipa? Ngai ḵad ain ḵingwanae gapun ni mapatoyana? Naippun indasaḵ aḵ basuḻ ni annae tagu. Pun taḵon ay nu paaplitḵu ya puḵayaḵ.”

Luke 23:22 Iomraidhean Croise

Luke 23:14

ḵanana ḵan dida, “Indatongyu annae tagu ḵan saḵone ḵananyu we al-allelawona da tagu. Yaḵon andongoḻ ḵayu, sa nanumaḻyaaḵ si sinagungyu naippun indasaḵ aḵ basuḻna'ḵ amanoḵnoḵ atte ipabasuḻyu ḵan siya.

Luke 23:16

On paaplitḵu ya puḵayaḵ.”

Luke 23:20

Pion Pilate we puḵayan aḵ Jesus te siya ḵasinna naḵaugudan atta tagu,

Luke 23:21

yaḵon amo ḵanandae nanug-uy, “Paipattoḻnu'tte kros! Paipattoḻnu'tte kros!”

Luke 23:23

Yaḵon amo nanugtug-uyda impatute ampaipattoḻ ḵan Jesus atte kros inggana'ḵ naabaḵ aḵ Pilate,

Luke 23:4

Pun ḵanan Pilate atta papangat da papadi ya da adu we tagu, “Naippun indasaḵ aḵ basuḻ ni annae tagu.”

1 Peter 1:19

yaḵon sa ampatoge daḻan Kristu si natoyana para ḵan ditaḵu. Sa nangidatunana si mismu we long-agna isun di ubbu we karnero we ippun paat ḵaissawna ya ippun dipiktunae nidatun ḵan Apudyus.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.