Luke 22:52 - Sa Ugud Apudyus

⁵² Pun ḵanana'tta papangat da papadi, da kapitan da guwaḻda si templo ya da pallakayon da Judyu we ang-angngit ḵan siya ta doḵmaanda, “Tulisanaḵ ḵamman ta ummali ḵayu we ampaḵ-odon aḵ ispada ḵan pang-oḵe umoy anoḵma ḵan saḵon?

Luke 22:52 Iomraidhean Croise

Matthew 26:47

Sissiya ḵade an-uguugud aḵ Jesus, nadanatong aḵ Judas we osa'tta nasawaḻan aḵ duwae disipuluna. Inninggaw da amode tagu we nibuḻun ḵan siyae nampaḵ-odon aḵ ispada ḵan pang-oḵ. Da papangat da papadi ya da pallakayon da Judyu nangibuun ḵan dida.

Matthew 26:55

Pune sadi ḵanan Jesus atta adu we tagu, “Tulisanaḵ ḵamman ta ummali ḵayu we ampaḵ-odon ḵayu'ḵ ispada ḵan pang-oḵe umoy anoḵma ḵan saḵon? Inaḻgawe inninggawaḵ ḵan diḵayu'tte paway ni templo we antuttudu yaḵon adiyupun saḵon dinoḵmaan.

Luke 22:37

Te ḵasapuḻane mituttuwa nigili ye Ugud Apudyus si mipanggob ḵan saḵone ḵanana, ‘Niyiyap atta tulisan.’ Ḵad annan madam-ane mituttuwa.”

Luke 22:4

woḵ ummoy atta papangat da papadi ya da kapitan da guwaḻda'tte templo ta antutuḻaganda inonae angituyuḵ ḵan Jesus ḵan dida.

Luke 22:51

Yaḵon ḵanan Jesus, “Ustu!” Pun iyyappadna imana'tte ingan ni musassu woḵ nipaḻ-og.

Luke 22:53

Inaḻgawe inninggawaḵ ḵan diḵayu'tte paway ni templo we antuttudu, adiyupun saḵon dinoḵmaan. Yaḵon sinsadi, annae dummatong timpuyu we inḵoddong Apudyus ya dummatong os timpun Satan we angipangat atte giḵbot.”

John 17:12

Sa inninggawaḵ ḵan dida, inayyuwanaḵ dida mipagapu'tte ḵabooḻame innatodnu ḵan saḵon. Naippun nataḻaḵ ḵan dida abus sadi ye tagu we naḵoddongan aḵ mataḻaḵ ta mituttuwa nigili ye Ugud Apudyus.

Acts 5:26

Pun ummoy ni kapitan ya da guwaḻdan ni templo innaḻa dida. Yaḵon adidapun pinatut dida te maḵimutda'ḵ batuwon da tagu dida inggana'ḵ matoyda.