Luke 22:32 - Sa Ugud Apudyus

³² Yaḵon illuwaḻuwaḵ siḵa Simon ta adi pammatim maabaḵ ḵad nu ansagungḵa ḵan saḵon, ḵasapuḻane papigsaom oḵyan pammatin da susunudnu we namati.”

Luke 22:32 Iomraidhean Croise

Matthew 18:3

woḵ ḵanana, “Ibagaḵ ḵan diḵayu ḵatuttuwaan, nu adi ḵayu ambalbaliwe isun ni annae abeng, adiḵayupun paat midoga si ampangatan Apudyus.

Matthew 26:75

Pune sadi, inḵagasmoḵ Peter imbagan Jesus ḵan siyae ḵanana, “Daampun ḵawitan anullaḵuḵ ya namiḵluwom saḵon puḵlitan.” Pune sadi, ummoyon aḵ Peter woḵ ummibiibil.

Mark 14:72

Daguse impigwan ni ḵawitane nanullaḵuḵ woḵ inḵagasmoḵ Peter imbagan Jesus we ḵanana, “Daampun ḵawitan anullaḵuḵ aḵ madam-an taḻun, amiḵluwom saḵon puḵlitan.” Pun adipun maḵaḵasḵasmoḵ woḵ umibiibil.

Mark 16:7

Inḵayu ibaga ḵan Peter ya da udume disipulunae ummuna'ḵ Jesus ummoy atte probinsiya'd Galilee nu diḵayu. Ilanyu sidi te siya imbagana.”

Luke 8:13

Da naottag atte bibbisil, isuda da tagu we dingngoḻda ḵad Ugud Apudyus, allaylayaddae nangawat. Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman, iwaḻangda pammatida ḵan Apudyus.

John 14:19

Sin-aḵitan ya da tagu we adipun amati naippun ogon ilanda ḵan saḵon yaḵon diḵayu asiyu ilan saḵon. Te mataguwaḵ ḵasin ya matagu ḵayu bos.

Acts 3:19

Pune sadi, ibabawiyu da basuḻyu ya agayyu we angwa ta mapakawan ḵayu.

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

2 Timothy 2:18

Guluguluwonda da pammatin da udum te indiyanda ḵatuttuwaan woḵ siya ituttududa nagangput ḵasine mataguwan da natoy.

Titus 1:1

Saḵon aḵ Paul we dinutuḵan Apudyus aḵ anserbi ḵan siya ya osa'tta apostol Jesu Kristu. Imbuunaḵ aḵ umoy amapigsa'tta pammatin da tagu we pinilin Apudyus. Ipaigammuḵ os ḵatuttuwaane naḻpu ḵan siyae mituttuwa naapudyusane antataguda.

Hebrews 12:15

Ḵasapuḻane ilanyu ta naippun oḵyan osa ḵan diḵayu'ḵ an-awidana ḵinabaḻun Apudyus gapu'tte angiyagayanae amati ḵan siya. Te ngaimane angwa ḵan diḵayu'tte ḵaḵnat isuna ampaite muḻae tumubu'ḵ madadailan da adu.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

1 Peter 1:1

Saḵon aḵ Peter we apostol Jesu Kristu. Annaya suḻatḵu ḵan diḵayu we tagu we pinilin Apudyus we isun di mangili si annae lubunge naas-asipaḻaḵ atta ili'd Pontus, Galatia, Cappadocia, Asia ya ad Bithynia.

1 Peter 1:13

Pun isaganayu da somsomoḵyu we angwa'tta pinion Apudyus ya tupodonyu da long-agyu'tta losane ḵoonyu. Sosomḵonyu we ustuustu namnamaonyu we ḵinabaḻun Apudyus we ipailana ḵan diḵayu si mipauliyan Jesu Kristu.

1 Peter 1:5

Gapu'tte ḵabooḻan Apudyus, ayyuwanana diḵayu mipagapu'tte pammatiyu ḵan siya inggana'ḵ mituttuwa anaguwana ḵan diḵayu. Inabusna insagana sanate mataguwane ipailana nu anungus ni timpu.

2 Peter 3:14

Pun ay-ayatoḵe buḻbuḻun, gapu ta sana uuwayon taḵu, igga taḵu ḵabooḻan taḵu ta pumoḻḵas taḵu ya ippun ḵadellawan taḵu'tte antotollong Apudyus ya allin-awa maḵabuḻbuḻunan taḵu ḵan siya.

1 John 2:19

Da annae sumusullagi ḵan Jesu Kristu, buḻun taḵu dida'tte ḵesane aḻgaw yaḵon daḵampun aḵ tuttuwae buḻun taḵu dida si pammati, siya gapun ni summinaanda ḵan ditaḵu. Te nu tuttuwae buḻun taḵu dida, sissiyae awadda oḵyan ḵan ditaḵu. Yaḵon summinada ḵan ditaḵu ta mipailae daḵampun aḵ tuttuwae buḻun taḵu dida.