Luke 22:2 - Sa Ugud Apudyus

² Ḵad da papangat da papadi ya da mimistulun ni lintog singsingtonda inondae ampagongat ḵan Jesus we adi maigammu te maḵimutda'tta tagu.

Luke 22:2 Iomraidhean Croise

Matthew 12:14

Pun ummoyon da Pharisee woḵ umoyda an-uugud si inondae angongat ḵan Jesus.

Matthew 21:38

“Yaḵon innilan ḵad da gumagammole ye sa abeng ni sinḵuwa'tte mumuḻḻaan atta de grape, ḵanandae nantutuḻag, ‘Annaya angilaḵsun si annae mumuḻḻaan atta de grape. Awwayyu, gongaton taḵu ta anḵuwa taḵu da laḵsunna.’

Matthew 26:2

“Igammuyu we aḵ osan ḵabigatna Gayagayan da Judyu we ngannon taḵu Nallausan. Ḵad Saḵone Abeng Di Tagu, mipuḻangaḵ ta mipattoḻaḵ atte kros.”

Mark 14:1

Duwan aḻgaw ya asiyot Gayagayan da Judyu we ngannonda Nallausan ya sa Gayagayae ngannonda Tinapaye Naippun Yeastna. Da papangat da papadi ya da mimistulun ni lintog, singsingngitda inondae anoḵma ḵan Jesus we adipun maigammu ta gongatonda.

Luke 20:19

Dingngoḻ ḵad da mimistulun ni lintog ya da papangat da papadi sanae pani, pionda doḵmaane dagus aḵ Jesus te inigammudae inugudna pani'ḵ mibusuḻ ḵan dida. Yaḵon naḵimtanda'tta tagu.

John 11:57

Imbilin da papangat da papadi ya da Pharisee ye nu ngai angigammu si igaw Jesus ipaigammuda oḵyan ḵan dida ta padoḵmada.

Acts 4:27

Sadi imbagan Ari David te da Herod ḵan Pontius Pilate ya da Gentil ya da ganaḵ Israel nadagupda'd Jerusalem ta antutuḻagdae gongatonda'ḵ Jesus we nasantuwane sammilume dinutuḵam.