Luke 20:47 - Sa Ugud Apudyus

⁴⁷ Te allelawonda da baḻu ta aḻanda da ḵuḵuwada ya da boḻoyda ḵad anduanduwonda da luwaḻuda si sinagung da adu we tagu ta analingodda'tta ḵoḵoḵḵonda. Sa umali ye aḻgaw amo nadagdagson dusada.”

Luke 20:47 Iomraidhean Croise

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 23:14

“Ḵaddagu ḵayu we Pharisee ya da mimistulun ni lintog. Ḵapappaila ḵayu! Te allelawonyu da baḻu ta aḻanyu da ḵuḵuwada ya da boḻoyda ḵad anduanduwonyu da luwaḻuyu si sinagung da adu we tagu ta analingodyu'tta ḵoḵoḵḵonyu. Ḵad sana amo amadagson atte madusaanyu.

Mark 12:40

Allelawonda da baḻu ta aḻanda da ḵuḵuwada ya da boḻoyda ḵad anduanduwonda da luwaḻuda si sinagung da adu we tagu ta analingodda'tta ḵoḵoḵḵonda. Ḵad sana amo amadagson atte madusaanda.”

Luke 12:1

Sa naḵwaan da sadi, ḵalibulibu da tagu we nadagup ḵan Jesus woḵ magusgusdan da suḵin da udum. Pun ummunae tinuttuduwan Jesus da disipuluna woḵ ḵanana, “Ummanyu ta adi ḵayu maalisan atte yeast da Pharisee te ḵapappailada!

Luke 20:46

“Ummanyu'tta mimistulun ni lintog te piondae alliḵliḵwose ansisillup atta langgoyod. Ampilida'tta ḵabaḻuwane tutuḵduwan atta sinagoga ya pionda bose mapatganda'tta ampakumusta ḵan dida'tta lugar we andaḵdaḵngan da adu we tagu. Ḵad pipionda midayawda nu awad gayagaya.

Luke 21:1

Pune sadi, nallangḻanga'ḵ Jesus woḵ innilana da babaḵnange an-itub-ung atta atodda'tte iiggaan da atod atte templo.

1 Thessalonians 2:5

Iniiggammuyu we daḵampun paat aḵ nan-uḻ-uḻnug ḵani ya aḵ Apudyus anaḵdoḻe daḵampun paat aḵ an-ugud ḵani ta awad maganabni.

Titus 1:16

Ibagadae igammuda'ḵ Apudyus yaḵon da ḵoḵoḵḵonda, ipailadae adidapun igammu. Sasangngaan da udum dida, adidapun pulus tuttuwaon gapu si adidapun amatiyan ḵan Apudyus ya ippun paat labbongdae angwa'ḵ ambaḻu.

James 3:1

Susunudḵu ḵan Kristu, ambaḻu nu aḵit oḵyan ḵan diḵayu da ambalin aḵ angituttudu si Ugud Apudyus te igammuyu we nadagdagson maḵuwisan taḵu we angituttudu nu da udum.