Luke 20:26 - Sa Ugud Apudyus

²⁶ Pune sadi, ippun indasanda'ḵ anggadinganda'tta imbagan Jesus atte sinagung da tagu woḵ naabus ḵad gummiginnoḵda te nataagda si insongbat Jesus.

Luke 20:26 Iomraidhean Croise

Matthew 22:12

Pun ḵanan ni Ari ḵan siyae nangimus, ‘Buḻbuḻun, ngaipaḵa anna sinae adipun nansilup atte miyapot si annae kasar?’ Yaḵon gummiginnoḵ.

Matthew 22:22

Dingngoḻda ḵad insongbatna, nataagda pun tinenanda woḵ mabuḵaḻda.

Matthew 22:34

Dingngoḻ ḵad da Pharisee ye pinaginoḵ Jesus da Sadducee te nakakaskasdaaw da songbatna'tta im-imusda, nadagupda ḵasin woḵ ummoyda ḵan Jesus.

Matthew 8:10

Dingngoḻ ḵad Jesus da imbagana, nasdaaw woḵ ḵanana'tta nibuḻun ḵan siya, “Ibagaḵ ḵan diḵayu ḵatuttuwaan, naippun paat indasanda'ḵ tagu'ḵ ampigsapigsa pammatina'd Israel aḵ isun ni pammatin ni annae tagu.

Luke 11:54

te pionda siḵapan ta awad ambatayandae angidaḻum ḵan siya.

Luke 13:17

Pun da losane sumullagi ḵan Jesus nababbainanda'tte sanae songbatna ya amod de layad da ḵaaduwane tagu'tta losane nakaskasdaawe ḵingwana.

Luke 20:20

Pun inuuwwayda gundawaydae anoḵma ḵan siya. Ḵingwada ḵad, tinangdananda da udume laḻaḵi ya nangibuunda'ḵ umoy anipusiput ḵan Jesus ya ipailadae isudan mataḻgodan. Yaḵon sa planuda, an-im-imusda ḵan Jesus ta awad ḵad isongbatna'ḵ anggadingandae angidaḻum ḵan siya, asidaot doḵmaan ya ummoyda impuḻang si gobernor. Te sa gobernor anna ḵaḻabbonganae anguwis.

Romans 3:19

Igammu taḵu we sa Ugud Apudyus we nigili'tte awe naatod ḵan ditaḵu we Judyu we anuttuwa si lintogna. Pun adipun maḵwae awad angibaga ḵanane naippun basuḻna. Te losane tagu sumangu ḵan Apudyus we maḵuwis.

Titus 1:10

Te adu da tagu we adipun amati ye adidapun tumuttuwa'tta anna ḵaḻabbonganda ya angallelaw atta asintataguda'tta tuttudu we naippun paat patogda, amod ay grupun da namati ye Judyu we angipatut atte mipanggob si sogyat.