Luke 2:27 - Sa Ugud Apudyus

²⁷ Impuyut ni Ispiritu Santu aḵ Simeon atte paway ni templo. Inniyoy ḵad da amana ḵan inana'ḵ Jesus ta tuttuwaonda da paḵwan ni lintog Moses mipanggob atte umunae miyanaḵe laḻaḵi, ummadani'ḵ Simeon.

Luke 2:27 Iomraidhean Croise

Matthew 4:1

Pune sadi, impuyut ni Ispiritu Santu aḵ Jesus atte bumbummaaw ta padason Satan sulisugon.

Luke 2:22

Dummatong ḵad aḻgawe imbilin ni lintog Moses mipanggob atte pumoḻḵasan ni ḵaḵ-anaḵ, ummoy da Joseph ḵan Mary ad Jerusalem ta umoyda idatun ḵan Apudyus imbagan ni sadi ye lintoge duwae lagadan baḵon nu duwae kalapati. Innawitda bos utting ta idatunda ḵan Apudyus. Te sa nigili si sadi ye Lintog Apudyus ḵanana, “Ḵasapuḻane mitotoḵḵon da losane panguḻu we laḻaḵi aḵ ḵuwan Apudyus.”

Luke 2:28

Innaḻana utting woḵ ḵananae nangidaydayaw ḵan Apudyus,

Luke 2:41

Nasawaḻan ḵad aḵ duwa tawon Jesus, nibuḻun ḵan amana ya aḵ inanae ummoy ad Jerusalem naḵagayagaya'tte Gayagayan da Judyu we ngannonda Nallausan te tinawone umoyda.

Luke 2:48

Pun innilan ḵad da sin-abeng, nataagda bos. Ḵanan inana, “Ngaipam ay ḵoon ḵaḵna ḵan diḵani? Adimpun ḵamman igammu we nambimbinsaw ḵani ye nanaḻata ḵan siḵa?”

Luke 2:51

Pun nibuḻun aḵ Jesus ḵan didae nipauli'd Nazareth woḵ tinuttuwana da imbagada. Aḵ inana ḵad, iniittomana da losane naḵwa.

Luke 4:1

Nabonyagan ḵad aḵ Jesus, ummoyone naḻpu'tte tawwang Jordan. Pun inniinggaw ḵabooḻan ni Ispiritu Santu ḵan siya woḵ impuyutna'tte bumbummaaw.

Acts 10:19

Sissiya ḵade ḵuttuḵuttumon Peter nu ngai pion ni impailan Apudyus ḵanan, ḵanan ni Ispiritu Santu ḵan siya, “Peter annat da tuḻu we laḻaḵi ye singtonda siḵa.

Acts 11:12

Pun ḵanan ni Ispiritu Santu ḵan saḵon, ‘Adiḵa ansuḵnae mibuḻun ḵan dida.’ Da annae onome susunud taḵu ḵan Kristu we iJoppa binuḻunanda bos saḵon woḵ ummoy ḵani'd Caesarea. Dummatong ḵani ḵad, nillumnoḵ ḵani si boḻoy da Cornelius.

Acts 16:7

Dummatongda ḵad atte boddong ni probinsiya'd Mysia, umoyda oḵyan atte probinsiya'd Bithynia yaḵon adimpun ni Ispiritu Santu we imbuun Jesus ḵan dida iyyunud.

Acts 8:29

Ḵanan ni Ispiritu Santu ḵan Philip, “Inḵa adaniyon sanate tagu'tte kalesa ta maḵaluganḵa.”

Galatians 4:4

Yaḵon dummatong ḵad ustu we timpu we inḵoddong Apudyus, imbuunna abengna ta miyanaḵ atte bubai. Niyanaḵe Judyu we paituray atte lintog.

Revelation 1:10

Yaḵon sa aḻgawe andaydayawan ḵan Apu, isun di impain-inop ni Ispiritu Santu ḵan saḵon woḵ dingngoḻḵu andangsoḻe ginga si odogaḵe isunan bungug di tangguyub.

Revelation 17:3

Pun isunan impain-inop ni Ispiritu Santu ḵan saḵon woḵ inniyoy ni sadi ye anghel saḵon atte bumbummaaw. Sidi nangil-aḵ atte bubai ye nangabayu si dilaage ḵaog-ogyate ayame pitu uḻuna ya simpuḻu sakkudna. Sa long-agna ḵad os, naḻnot nagiliyan atta ngadane misullagi ḵan Apudyus.