Luke 2:10 - Sa Ugud Apudyus

¹⁰ Ḵanan ni anghel ḵan dida, “Adi ḵayu maḵimut! Te sa annae ambaḻu we damage ibagaḵ ḵan diḵayu, siya gapun ni lumayadan da losane tagu.

Luke 2:10 Iomraidhean Croise

Matthew 14:27

Pun daguse gumminga'ḵ Jesus woḵ ḵanana, “Tumuḻod ḵayu! Adi ḵayu maḵimut! Saḵon aḵ Jesus!”

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

Matthew 28:5

Yaḵon ḵanan ni anghel atta bubai, “Adi ḵayu maḵimut. Igammuḵe siya singsingtonyu'ḵ Jesus we nipattoḻ atte kros.

Mark 1:15

Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”

Mark 16:15

Pun ḵanana ḵan dida, “Inḵayu'tte losane lubung ta iwaḻagawagyu Ambaḻu we Damag atta losane tagu.

Luke 1:13

Yaḵon ḵanan ni anghel, “Zechariah, adiḵa maḵimut te dingngoḻ Apudyus luwaḻum. Pun aḵ Elizabeth we asawam, umanaḵ aḵ laḻaḵi ḵad ngadanam oḵyan aḵ John.

Luke 1:19

Ḵanan ni anghel, “Saḵon aḵ Gabriel we anserbi ḵan Apudyus. Siya nangibuun ḵan saḵon ta ibagaḵ ḵan siḵa annae Ambaḻu we Damag.

Luke 1:30

Ḵanan ni anghel, “Mary, adiḵa maḵimut te amod de ḵinabaḻun Apudyus ḵan siḵa.

Luke 2:11

Te ḵan diḵayu niyanaḵ sinsadi ye labi sina'tte ili ye niyanaḵan Ari David, aḵ Kristu we Apu.

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Luke 8:1

Unipun, nanggaḵay aḵ Jesus atta siyudad ḵan ili, iwwaḻagawagna Ambaḻu we Damag mipanggob si ampangatan Apudyus. Nibuḻun da nasawaḻan aḵ duwae disipuluna ḵan siya.

Acts 13:32

“Anna ḵani sina ta ibagani ḵan diḵayu Ambaḻu we Damag we inkarin Apudyus atta danaḵḵoḻ taḵu.

Romans 10:15

Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.