Luke 19:47 - Sa Ugud Apudyus

⁴⁷ Inaḻgawe nantuttudu'ḵ Jesus atte paway ni templo. Da papangat da papadi, da mimistulun ni lintog ya da udume papangat da Judyu, singsingngitda nu ngai inondae ampagongat ḵan siya.

Luke 19:47 Iomraidhean Croise

Matthew 21:23

Pun nipauli'ḵ Jesus si paway ni templo. Nantuttudu ḵad, nandatdatong da papangat da papadi ya da pallakayon da Judyu woḵ ḵanandae nan-imus ḵan siya, “Ngai ḵaḻabbongame angwa'tta sana? Ḵad ngai nangitod ḵan siḵa si annae ḵaḻabbongam?”

Matthew 26:55

Pune sadi ḵanan Jesus atta adu we tagu, “Tulisanaḵ ḵamman ta ummali ḵayu we ampaḵ-odon ḵayu'ḵ ispada ḵan pang-oḵe umoy anoḵma ḵan saḵon? Inaḻgawe inninggawaḵ ḵan diḵayu'tte paway ni templo we antuttudu yaḵon adiyupun saḵon dinoḵmaan.

Mark 11:18

Dingngoḻ ḵad ay da papangat da papadi ya da mimistulun ni lintog da ḵingwan Jesus, singsingngitda nu ngai inondae ampagongat ḵan siya. Te ummogyatda ḵan siya te nataag da aduadu we tagu'tta intuttuduna.

Mark 12:12

Pun da papangat da Judyu, pionda doḵmaan aḵ Jesus te inigammudae inugudna pani ye mibusuḻ ḵan dida. Yaḵon tinenanda te naḵimtanda'tta adu we tagu.

Mark 14:1

Duwan aḻgaw ya asiyot Gayagayan da Judyu we ngannonda Nallausan ya sa Gayagayae ngannonda Tinapaye Naippun Yeastna. Da papangat da papadi ya da mimistulun ni lintog, singsingngitda inondae anoḵma ḵan Jesus we adipun maigammu ta gongatonda.

Mark 14:49

Inaḻgawe annaaḵ ḵan diḵayu'tte paway ni templo we antuttudu yaḵon adiyupun saḵon dinoḵmaan. Yaḵon naḵwa da losan ta mituttuwa nigili'tte Ugud Apudyus.”

Luke 19:48

Yaḵon ippun inonda te da losane tagu, pipiondae anodongngoḻ atta losane ibagana.

Luke 20:19

Dingngoḻ ḵad da mimistulun ni lintog ya da papangat da papadi sanae pani, pionda doḵmaane dagus aḵ Jesus te inigammudae inugudna pani'ḵ mibusuḻ ḵan dida. Yaḵon naḵimtanda'tta tagu.

John 10:39

Pun pinadasda ḵasin doḵmaan aḵ Jesus yaḵon adidapun te nallibas ḵan dida.

John 18:20

Ḵanan Jesus, “Patilayunaḵ antuttudu si maḻamaḻang atte sinagoga ya sa paway ni templo we andaḵdaḵngan da losane Judyu. Ḵad naippun imbagaḵ aḵ nitataḻu.

John 7:19

Daḵampun ḵamman ḵan Moses nangitod ḵan diḵayu si lintog? Yaḵon naippun ossaan ḵan diḵayu'ḵ nanuttuwa si sanate lintog te nu tinuttuwayu, adiyupun oḵyan singsington inonyu we angongat ḵan saḵon?”

John 7:44

Ḵad pion da udume doḵmaan yaḵon adimpun Apudyus iyunud.