Luke 18:43 - Sa Ugud Apudyus

⁴³ Pun daguse naḵaila woḵ nitun-ud ḵan siyae dinaydayawna'ḵ Apudyus. Innilan ḵad da losane tagu da sanae naḵwa, dinaydayawda bos aḵ Apudyus.

Luke 18:43 Iomraidhean Croise

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Matthew 21:14

Pun ummoy da udume naḵuḻap ya da udume napilaye tagu ḵan Jesus si paway ni templo woḵ ḵinaanna da saḵitda.

Matthew 9:8

Innilan ḵad da losane tagu we ḵinaan Jesus saḵitna, naḵimtanda woḵ indaydayawda'ḵ Apudyus we nangitod si ḵaḻabbongane isun ni sanat atte tagu.

Luke 13:17

Pun da losane sumullagi ḵan Jesus nababbainanda'tte sanae songbatna ya amod de layad da ḵaaduwane tagu'tta losane nakaskasdaawe ḵingwana.

Luke 19:37

Madam-anda ḵad ad Jerusalem si daḻane an-osog si Beleg Olives, amod layad da amode disipuluna woḵ insaḻaddae nangidangsoḻ atta gingadae angidaydayaw ḵan Apudyus gapu'tta losane nakaskasdaawe innilada.

Luke 4:39

Ummadani'ḵ Jesus si nasaḵit woḵ binilinnae maḵaan atungna. Pun naḵaan atungna. Pun daguse bummangon woḵ illusnuwana da Jesus.

Luke 5:26

Pune sadi, nataag da inninggaw sidi ye tagu ḵan naḵimtanda'tta innilada woḵ ḵanandae nangidaydayaw ḵan Apudyus, “Atopay! Nakaskasdaaw pagay innilani sinsadi!”

Luke 9:43

Pune sadi sintataag da tagu'tte ḵabooḻan Apudyus. Sissiya ḵade nataag da tagu, ḵanan Jesus atta disipuluna,

Acts 11:18

Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Acts 4:21

Nagangput ḵade ḵinoḻḵog da ḵuḵunsisaḻ dida, pinaoyonda dida te adidapun maḵaḵasḵasmoḵ nu ngai inondae anusa ḵan dida te adu da tagu we nandaydayaw ḵan Apudyus gapu'tte nakaskasdaawe naḵwa.

Galatians 1:24

Pun indaydayawda'ḵ Apudyus gapu ḵan saḵon.

1 Peter 2:9

Yaḵon diḵayu pinilin Apudyus aḵ ḵabaḻyanna ya isuyu da padi ye anserbi ḵan Apudyus we Ari taḵu. Diḵayu ilin da tagu we nitotoḵḵon para ḵan siya ya ampatoge tagunae ḵinuḵuwwana ta ipaigammuyu nakaskasdaawe ḵingwana. Pinilina bos diḵayu ta tenanyu giḵbot ya inggaw ḵayu si nakaskasdaawe paddana.