Luke 18:12 - Sa Ugud Apudyus

¹² Te ḵan saḵon, amigwaaḵ allaun si sindumingguwan ta alluwaḻuwaḵ ya ittoḵ os ḵasimpuḻun ni losane tangdanḵu.’

Luke 18:12 Iomraidhean Croise

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Matthew 6:1

Pinagatupan Jesus we nantuttudu woḵ ḵanana, “Ilanyu ta adiyu gagaḻ-on ipappaila'tta tagu we naun-unan ḵayu te nu siya ḵoonyu, ippun gungunayu ḵan Amayu'd langit.

Matthew 6:16

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

Matthew 6:5

Pinagatupan Jesus woḵ ḵanana, “Ḵad nu alluwaḻu ḵayu, adi ḵayu oḵyan miyisu'tta ḵapappaila te pipiondae sumisiḵade alluwaḻu'tta sinagoga ya da ḵaḻsa ta ilan da tagu dida. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 9:14

Pune sadi, ummoy da disipulun John we Ambobonyag ḵan Jesus woḵ ḵananda, “Diḵani ya da Pharisee, allaun ḵani ta alluwaḻu ḵani. Yaḵon da disipulum ḵad, ngaipada adi ḵoon?”

Luke 11:42

“Ḵaddagu ḵayu we Pharisee! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta ummun-un atta asintataguyu ya ayatonyu'ḵ Apudyus. Ḵasapuḻane ḵoonyu da anna ḵad adiyu bos maliwatan da udum.

Luke 17:10

Isuna bos ḵan diḵayu, nu ginanggangputyu da losane imbilin Apudyus we ḵoonyu, ḵasapuḻane ḵananyu, ‘Sammilu ḵani ye ḵingwani da ḵewaaḻni.’ ”

Romans 3:27

Pun aditaḵupun lamog isḵaḻ naun-unan taḵu gapu si anuttuwaan taḵu'tte lintog. Yaḵon aḵ Apudyus angwa si maun-unan taḵu gapu si pammati taḵu.

1 Corinthians 1:29

Ḵingwan Apudyus ḵatti ta naippun tagu'ḵ ansoḵaḻ atte sinagungna.

Galatians 1:14

Mipanggob ḵad os atte pammatini ye Judyu, intutuḻ-ayḵu'ḵ adayu'tta dogwasḵu te saḵon ḵapangogane nangunud ya nangitataḵdoḻ atta ugali ye tinawidni'tta daḵdaḵoḻni.

Ephesians 2:9

Pun ippun isḵaḻ taḵu te daḵampun aḵ da ambaḻu we ḵingwa taḵu nataguwan taḵu.

1 Timothy 4:8

Awad de patogna nu paḵosdoḻon taḵu da long-ag taḵu we angwa'tta ḵoon taḵu. Yaḵon simbumaḻu nu paḵosdoḻon taḵu naapudyusane biyag te sadi gattoḵe naḻpuwan ni maganab taḵu si biyag taḵu sinsadi ya nu awad taḵu pos pagay ad langit.