Luke 17:6 - Sa Ugud Apudyus

⁶ Pun ḵanana, “Nu awad aḵit aḵ pammatiyu'ḵ isun ni ḵapeet ni buḵoḻ ni mustasa, maḵwae ḵananyu si annae daḵoḻe ḵayu, ‘Mabagutḵa ya nimuḻaḵa si baybay’ woḵ tuttuwaona.”

Luke 17:6 Iomraidhean Croise

Matthew 14:29

Ḵanan Jesus, “Awwaynu.” Dingngoḻ ḵad ay Peter, lummogsad si bangka woḵ insaḻadnae nanaddaḻane ummoy ḵan Jesus.

Matthew 17:20

Ḵanan Jesus we summongbat, “Gapu'tte aḵit pammatiyu. Ibagaḵ ḵan diḵayu ḵatuttuwaan, nu awad aḵit aḵ pammatiyu'ḵ isun ni ḵapeet ni buḵoḻ ni mustasa, maḵwa ḵananyu'tte beleg, ‘Miyatunḵa'tte andi,’ ḵad tuttuwae an-atun. Te lamogyu ḵoon da ngaiman.

Matthew 21:21

Ḵanan Jesus ḵan dida, “Ibagaḵ ḵan diḵayu ḵatuttuwaan, nu amati ḵayu ḵan Apudyus ya adi ḵayu anduwaduwa, lamogyu ḵoon isun ni ḵingwaḵ si annae ḵayu we fig. Daḵampun aḵ abus sana, lamogyu bos ḵanan si annae beleg, ‘Ḵumassadḵa ya an-atunḵa si baybay,’ ḵad tuttuwae maḵwa.

Mark 4:31

Isuna buḵoḻ ni mustasae nimuḻa. Sa buḵoḻ ni mustasa ḵapeetan atta losane kalasin di buḵoḻ sina'd luta.

Mark 9:23

Ḵanan Jesus, “Ngai ḵad ain ḵanam nu lamogḵu? Maḵwa da ngaiman si tagu we awad de pammatina ḵan Apudyus!”

Luke 13:19

Mipani'tte buḵoḻ ni mustasae immuḻan ni tagu si umana. Dummaḵoḻ ḵad, nambalin aḵ ḵayu we lamog da sissiwit sumuḵbutan da pangana.”

Luke 17:7

Ḵanan Jesus, “Nu awat di awad sammilun ni osa ḵan diḵayu'ḵ an-aḻadu baḵon nu antangḵon atta karnero, nu dumatonge maḻpu si anḵewaaḻana, ḵanana ḵad ain ḵan siyae, ‘Awwaynu ta anganḵa’?

Luke 19:4

Pun ummuna nanoddaḵ nu da Jesus woḵ ummoy ḵummaḻab atte ḵayu we sycamore ta awad inonae angila ḵan siya nu lumaus.

Luke 7:13

Aḵ Jesus ḵad si innilana baḻu, amod de daguna woḵ ḵanana ḵan siya, “Agaynu we umibil.”

Luke 7:19

woḵ imbuunna dida ḵan Jesus ta ḵanandae an-imus, “Siḵa ḵamman inkarin Apudyus we umali baḵon nu awad udum aḵ uwayonni?”

1 Corinthians 13:2

Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ.