Luke 17:26 - Sa Ugud Apudyus

²⁶ “Sa ugalin da tagu si timpun ni mipauliyaḵe Abeng Di Tagu, isun ni ugalin da tagu si timpun Noah si awe.

Luke 17:26 Iomraidhean Croise

Luke 17:22

Pun ḵanana'tta disipuluna, “Dumatong timpu we pionyu ilan Abeng Di Tagu taḵon ay sin-aḵitan yaḵon adiyupun maila saḵon.

Luke 17:24

Te sa mipauliyaḵe Abeng Di Tagu, ilan da losane tagu we isuna anguliyatyatan ni ḵilat ad langit atte losane suli.

Luke 17:27

Te sa sadi ye timpu angaanganda, an-iinumda ya an-as-asawada inggana si aḻgawe nillumnoḵan da Noah si bapur. Pune sadi nalitap lubung woḵ naaminda naanud.

Luke 17:7

Ḵanan Jesus, “Nu awat di awad sammilun ni osa ḵan diḵayu'ḵ an-aḻadu baḵon nu antangḵon atta karnero, nu dumatonge maḻpu si anḵewaaḻana, ḵanana ḵad ain ḵan siyae, ‘Awwaynu ta anganḵa’?

Luke 18:8

Annaya ibagaḵ ḵan diḵayu, ittonae dagus ḵan dida ḵalintoganda. Yaḵon mipauliyaḵ ḵade Abeng Di Tagu, awad ḵamman odasaḵ aḵ amati ḵan saḵon sina'd luta?”

Hebrews 11:7

Mipagapu si pammatin Noah, nandongoḻ atta imbagan Apudyus mipanggob atta banage maḵwa si umali ye aḻgawe daannapun yan ilan. Tinuttuwana'ḵ Apudyus woḵ nangwa'ḵ daḵoḻe bapur ta matagudae simbaḻyan. Gapu si pammatina, impailanae nankamali da tagu'tte lubunge adidapun amati ḵan Apudyus ya dusaon Apudyus oḵyan dida. Pun imbelang Apudyus aḵ naun-unan mipagapu si pammatina.

2 Peter 2:5

Ḵad isuna bose adimpun Apudyus ḵinadaguwan da tagu si awe ye timpun Noah. Gapu ta ḵabasbassuḻanda, nilitapna lubung woḵ naaminda naumbuḻ. Yaḵon aḵ Noah we nangiwaḻagawag si naun-unane antatagu, tinagun Apudyus ya da pitu we ḵabaḻyanna.

2 Peter 3:6

Mipagapu'tta sana, nilitap Apudyus gagangaye lubung si danum woḵ naumbuḻ da tagu ya nadadail da losane matattagu si lubung.