Luke 17:2 - Sa Ugud Apudyus

² Un-unnoyna nu mitaḵod daḵoḻe binatu we gilingan si bagangna ya miballu'tte baybay nu sa sulisugona ta maḵabasuḻ taḵon ay osa'tta annae ḵamḵamae tagu.

Luke 17:2 Iomraidhean Croise

Matthew 17:27

Yaḵon daḵampun aḵ pion taḵu paḻawengon da annae tagu. Inḵa amungwit si baybay. Ḵad itaḵdangnu umunae ugadiwe mabungwitan. Ḵad taḵangom sungadna ḵad awad de pilaḵe laḻammogta ambayad si bugista. Aḻam ya binayadam bugista.”

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

Matthew 18:14

Sana bos isun ni ḵoon Ama taḵu'd langite adinapun pione awad ossaan aḵ mataḻaḵ, taḵon ay osa'tta annae abeng.”

Matthew 26:24

Saḵone Abeng Di Tagu, ḵasapuḻane matoyaḵ te siya impaigilin Apudyus atte awe. Yaḵon ḵaddagu tagu we angituyuḵ ḵan saḵon. Unnoyna gay adi niyanaḵ.”

Mark 9:42

Pinagatupan Jesus woḵ ḵanana, “Ngaimane anulisug ta maḵabasuḻ taḵon ay osa'tta annae ḵamḵamae tagu we amati ḵan saḵon, un-unnoyna nu mitaḵod daḵoḻe binatu we gilingan si bagangna ya miballu'tte baybay.

John 21:15

Nagangputda ḵad nanugda, ḵanan Jesus ḵan Simon Peter, “Simon we abeng John, amo ay-ayatom pagay saḵon nu da annae udum?” Ḵanan Peter, “On Apu, igammume ay-ayatoḵ siḵa.” Ḵanan Jesus, “Pun ayyuwanam da karneroḵ.”

1 Corinthians 9:15

Yaḵon taḵon ay nu ḵatti, adiḵpun inusar sadi ye ḵaḻabbongaḵ ya adiḵpun igili anna ta angitod ḵayu'ḵ iḵataguḵ. Te nabaḻbaḻu matoyaḵ nu sa maḵaan ḵaḻabbongaḵe angiwaḻagawage siya isḵaḻḵu.

1 Corinthians 9:22

Isuna bos nu antuttuduwaḵ atta anḵuya, ambalinaḵ aḵ dogada ta pumigsa pammatida. Pun ngaimane kalasin di tagu, ambalinaḵ aḵ dogada ya ḵooḵ da ngaiman ta mataguwan da udum ḵan dida.