Luke 16:28 - Sa Ugud Apudyus

²⁸ ta bagbagaana da limae sunudḵu ta adida oḵyan os umali si annae igaw ni ummamdane ampaḵaḻaman.’

Luke 16:28 Iomraidhean Croise

Luke 16:27

“Pun ḵanan ni baḵnang, ‘Ḵodawoḵ ud ḵan siḵa ama Abraham ta ibuunnu'ḵ Lazarus si boḻoy da amaḵ,

Acts 10:42

Binilinna diḵani ye iwaḻagawagni Ambaḻu we Damag mipanggob ḵan siya ya taḵdoḻanni ye siya dinutuḵan Apudyus aḵ anguwis atta matattagu ya da natoy.

Acts 18:5

Dummatong ḵad da Silas ḵan Timothy ye naḻpu'd Macedonia, impapatin Paul we nangiwaḻagawag si Ugud Apudyus ya pinanoḵnoḵana'tta Judyu we aḵ Jesus siya Kristu.

Acts 2:40

Adu we ugud imbagbagan Peter ḵan dida woḵ ḵananae nandagdagu, “Iligsiyu long-agyu si annae lunap!”

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Acts 20:23

Sa abuse igammuḵ mibaḻudaḵ ḵan mapaḵaḻamaḵ te pinanoḵnoḵan ni Ispiritu Santu ḵan saḵon atta losane siyudade ayaḵ.

Acts 20:24

Adipun ampatog ḵan saḵon nu mataguwaḵ baḵon nu matoyaḵ. Sa biyagḵu ampatog atte angigangputaḵ si ḵewaaḻe innatod Apu Jesus ḵan saḵone sa angiwaḻagawagaḵ si Ambaḻu we Damag mipanggob si ḵinabaḻun Apudyus.

Acts 23:11

Sa sadi ye labi, nampaila'ḵ Apu Jesus ḵan Paul woḵ ḵanana, “Papigsaom somsomoḵnu te ḵasapuḻane taḵdoḻam mipanggob ḵan saḵon ad Rome we isun ni nanaḵdoḻam ḵan saḵon sina'd Jerusalem.”

Acts 26:22

Inggana sinsadi binadangan Apudyus saḵon, pun annaaḵ sinae tataḵdoge anaḵdoḻ atta losane tagu, nababa man ḵan nangatu. Ḵad naippun udum aḵ dam-oḵ ibaga yaḵon da imbagan Moses ya da udume profetan Apudyus si awe ye mituttuwa'tte umali ye aḻgaw.

Acts 28:23

Pun imbagada aḻgawe andaḵdaḵnganda. Dummatong ḵad sadi ye aḻgaw, aduadu da tagu we ummoy si inggawan Paul. Pun insaḻadna'tte bigbigat inggana'ḵ lummabi ye nangipaḵaawat ya nangipanoḵnoḵ si mipanggob atte ampangatan Apudyus. Impadasna inawis dida ta amatida ḵan Jesus atte nangiwaḻagawaganna'tte lintog Moses ya da inggilin da udume profetan Apudyus.

Acts 8:25

Ginangput pun da Peter ḵan John tinaḵdoḻan ḵan iwwaḻagawag ugud Apu, nipaulida'd Jerusalem woḵ iwwaḻagawagda Ambaḻu we Damag atta adu we ili'd Samaria we innoyda.

Galatians 5:3

Ibagaḵ ḵasin ḵan diḵayu we nu awad ampasogyat, ḵasapuḻane tuttuwaona da losane lintog.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

1 Thessalonians 2:11

Te inigammuyu we binadanganni sin-ossaossa ḵan diḵayu we isun ni ambabadang ni ama'tta abengna.

1 Thessalonians 4:6

Ḵasapuḻane ippun oḵyan bumasuḻ ḵan diḵayu baḵon nu angallelaw si sunudna ḵan Kristu mipagapu'tte ḵaḵnae gunay te aaddi ye aḵ Apu bumaḻos atta ngaimane angwa'tte ḵatti. Sana da imbilibilinni ḵan diḵayu.