Luke 16:24 - Sa Ugud Apudyus

²⁴ Pune sadi nampoḵaw woḵ ḵanana, ‘Ama Abraham, ḵadaguwanaḵ ḵappos ta ibuunnu'ḵ Lazarus ta ilinongna tammuduna'tte danum ta itodtodna si delaḵ ta matungninan. Te annan ummamdan ampaḵaḻamaḵ si apuy.’

Luke 16:24 Iomraidhean Croise

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Matthew 3:9

Adiyu ḵanan atta somsomoḵyu we miligsi ḵayu te aḵ Abraham daḵdaḵoḻyu. Annaya ibagaḵ ḵan diḵayu, aḵ Apudyus lamogna ambalinon da annae batu'ḵ ganaḵ Abraham!

Matthew 5:22

Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ. Isun os da ḵanandae, ‘Dong-ogḵa,’ inḵa si apuy ad infiernu.

Luke 16:30

“Ḵanan ni baḵnang, ‘Ama Abraham, potog sanat. Yaḵon nu awad oḵyan pagay maḻpu si igaw da natoy ya umoy ḵan dida, ibabawida da basuḻda ya agaydae angwa.’

Luke 19:9

Pun sa ḵanan Jesus atta tagu si mipanggob ḵan Zacchaeus, “Sinsadi, tinagun Apudyus da annae simbaḻyan atte madusaanda'tta basuḻda te tuttuwae ganaḵ os Abraham gapu'tte pammatina.

Luke 3:8

Adipun paat maḵwa te ḵasapuḻane ḵoonyu da losan ta ipailayu we tuttuwae imbabawiyu da basuḻyu ya iyyagayyu we nangwa. Ḵad adiyu pay maag ḵanane miligsi ḵayu te aḵ Abraham daḵdaḵoḻyu. Annaya ibagaḵ ḵan diḵayu te aḵ Apudyus maḵwae ambalinona da annae batu'ḵ ganaḵ Abraham!

John 4:10

Ḵanan Jesus, “Nu inigammum atod Apudyus ya inigammum nu ngaiyaḵe anḵodaw atte danum, siḵa oḵyan anḵodaw ta ittaḵ siḵa si danume angitod si biyag.”

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

John 7:37

Sa anungus ḵan ḵapatogane aḻgaw ni Gayagayan da Judyu we ngannonda Sigay, summiḵad aḵ Jesus woḵ ḵananae nangiyipḵaw, “Ngaimane mauwaw, umali ḵan saḵon ta uminum.

Romans 4:12

Ḵad siya nambalin aḵ aman da losane Judyu we nasogyatan ya inunudda bos pammatin Abraham atte daanna masogyatan.

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

James 2:13

Te nu anḵuwis aḵ Apudyus, adinapun ḵadaguwan da adipun ḵumadagu. Yaḵon ḵadaguwana da ḵumadagu ta adida umogyat nu anḵuwis.

James 3:6

Sa dela taḵu isunan apuye sumgob ya dumadail atta losane nampaliḵwos. Te nu an-ugud taḵu'ḵ lawweng, ipailanae amod de lawwenge awad ḵan ditaḵu, siya gapun ni angwaan taḵu'ḵ lawweng ya ansomsomḵan taḵu'ḵ lawweng ya lumawengan os da adu we tagu. Sa annae lawweng naḻpu ḵan Satan ḵad dadailona losane ḵinatatagu taḵu.

Revelation 19:20

Yaḵon nadoḵmaan ḵaog-ogyate ayam ya sa sinan profeta we nangipaila'tta nakaskasdaawe sinyal si nanserserbiyana si annae ayam. Da annae sinyal, dida da inusarnae nangallelaw atta tagu we namaḻḵaan atte maḻḵan ni ḵaog-ogyate ayam ya da nandaydayaw atte naḵwae ḵais-isuna. Da annae duwae sissiyae matattagu, niballuda si igaw ni gumilgillayabe apuy ḵan sulfur.

Revelation 20:15

Ḵad ngaimane adipun nigili ngadanna'tte iblu we nigiliyan da ngadan da awad da biyagda'ḵ inggana, niballuda si igaw ni gumilgillayabe apuy ḵan sulfur.

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.