Luke 16:22 - Sa Ugud Apudyus

²² “Natoy ḵad sadi ye ḵapus, innaḻan da anghel woḵ ummoyda innigga si daḻnig Abraham. Natoy ḵad os baḵnang, illibonda,

Luke 16:22 Iomraidhean Croise

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

Matthew 24:31

Ḵad guminga andangsoḻe tangguyub ya ibuunḵu da anghelḵu'tta losane dugyun ni lubung ta umoyda dagupon da losane pinilin Apudyus we taguna.”

Matthew 8:11

Ibagaḵ ḵan diḵayu, adu da Gentil we maḻpu si dumingitan init ya mipisonganae maḵaḵan ḵan da Abraham, Isaac ya aḵ Jacob atte ampangatan Apudyus.

Mark 8:36

Te ngai ḵad ain maganab ni tagu nu anḵuwana da losane binaḵnang atte lubung yaḵon taḻaḵona ḵalidodwana ya madusa'ḵ inggana? Naippun!

Luke 12:20

“Yaḵon ḵanan Apudyus, ‘Dong-ogḵa! Sinsadi ye labi, matoyḵa! Pun ngai ḵamman anginḵuwa'tta sadi ye pinomponnu?’ ”

Luke 16:21

te piona oḵyane angan taḵon ay bugtae dadaḵon ni baḵnang atte lamisaan. Ḵad taḵon ay da asu, ummoyda dinendelan da gagatoḻ Lazarus.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

John 13:23

Sa osa'tta disipulu we ay-ayatona, ansasaḻay si daḻnigna.

John 21:20

Nantawili'ḵ Peter woḵ innilana disipulu we ay-ayaton Jesus we mituntun-ud ḵan dida. Siya nansaḻay si daḻnig Jesus si nangananda woḵ ḵanana, “Apu, ngai sanate angituyuḵ ḵan siḵa?”

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Hebrews 2:14

Gapu ta tagu da annae abeng Apudyus we maḵwae matoy, nambalin aḵ Jesus aḵ tagu we isuda. Ḵingwana sana ta mipagapu si matoyana, oḻgona'ḵ Satan we anna ḵabooḻana si ḵatoy

James 1:11

Ḵad nu sumellet init, maḻ-uy muḻa ya nayaḵayaḵ tabbaḵna ḵad ippun ogon binaḻuna. Ḵaḵna bos maḵwa'tte baḵnange maḵaḵtooy si angamgamana ḵan analtalliḵunana si binaḵnangna.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

Revelation 14:13

Dingngoḻḵu bos gingae naḻpu'd langite ḵanana, “Igilim anna: Inggana sinsadi, pian da tagu we matoye niyossaan ḵan Apu Jesus.” Ḵanan ni Ispiritun Apudyus, “Tuttuwae pianda te maillonganda'tte ansigabe ḵewaaḻda ya magungunaanda gapu'tte ambaḻu we ḵingwada.”