Luke 16:2 - Sa Ugud Apudyus

² Pun impaayag ni baḵnang woḵ ḵanana ḵan siya, ‘Ngai dingngoḻḵu we mipanggob si nanangtanggaam atta ḵuḵuwaḵ? Idatongnu listaan da tinangḵonam te ḵaanoḵ siḵa si ḵewaaḻnu.’

Luke 16:2 Iomraidhean Croise

Matthew 12:36

Ibagaḵ ḵan diḵayu, nu dumatong aḻgawe anḵuwisan Apudyus, awad osa ya songbatana da losane ippun anunae inugudna.

Matthew 20:8

“Mummasdom ḵad, ḵanan ni sinḵuwa'tte mumuḻḻaan atta de grape si ap-apuwonda, ‘Ayagam da nanḵewaaḻ ta ittom da tangdanda. Isaḻadnu'tta ḵapayatan inggana'tta ḵasapaan.’

Luke 12:20

“Yaḵon ḵanan Apudyus, ‘Dong-ogḵa! Sinsadi ye labi, matoyḵa! Pun ngai ḵamman anginḵuwa'tta sadi ye pinomponnu?’ ”

Luke 12:42

Summongbat aḵ Jesus woḵ ḵananae nangipani, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta doganae sammilu. Siya angitod si ḵanon da buḻunna si ustu we timpu.

Luke 16:1

Pun ḵanan os Jesus atta disipuluna, “Inninggaw osae anḵeḵewwaaḻon ni baḵnange nampatangḵonona'tta binaḵnangna. Inninggaw namabasuḻ ḵan siyae ḵanana, ‘Sa annae tagu tangtanggaona da ḵuḵuwan ni baḵnang.’

Luke 16:3

“Pun ḵanana'tte long-agna, ‘Ngai nin ay ḵooḵ sinsadi te annae ḵaanonaḵ atte apuḵ si ḵewaaḻḵu? Ippun ḵosdoḻḵu we anḵewaaḻ aḵ amode isun ni amboḵa ya mabainaḵ ose antapatapaya.

Romans 14:12

Pun losan taḵu sumongbat ḵan Apudyus atta losane ḵingwa taḵu.

1 Corinthians 1:11

Sadi imbilinḵu ḵan diḵayu we susunudḵu ḵan Kristu te dingngoḻḵu'tta tagun Chloe ye dam-on ḵayu ansusubog.

1 Corinthians 4:2

Dallu gay sammilu, ḵasapuḻane mataḻgodan atta losane intaḻgod ni apuna ḵan siya.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

2 Corinthians 5:10

Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.

1 Timothy 4:14

Adim baybay-an ḵabooḻame innatod ni Ispiritu Santu atte nangipatayan da angipangpangu'tta namati'tta imadae nangiluwaḻu ḵan siḵa ya sa nangibag-an da profeta we an-uuggudon Apudyus mipanggob atte ḵabooḻam.

1 Timothy 5:24

Sa mipanggob os atte ampiliyam atta angipangpangu, somsomḵome awad da tagu we nalawage maila da basuḻda'tte daandapun maḵuwis. Yaḵon da udum, nitataḻu da basuḻda yaḵon aaddi ye asi maigammu si anungus ni aḻgaw.

1 Peter 4:10

Ḵad da ḵabooḻane innatod Apudyus atte sin-ossaossae namati, usaronyu we anserbi'tta buḻunyu we isun di mataḻgodane sammilu we angayyuwan atta nankalakalasi ye bindisyune innatod Apudyus.

1 Peter 4:5

Yaḵon songbatanda ḵan Apudyus we naḵasaganae anguwis atta losane tagu we matattagu ya da natoy.

Revelation 20:12

Innilaḵ os da natoye nangatu ya nababae summisiḵadda'tte sinagung ni trono. Inninggaw da naḻpu'd Hades we igaw da nanḵaḵatoy ya da nanḵaḵatoy atte baybay. Pun nabuḵyag iblu we nigiliyan da ngadan da awad da biyagda'ḵ inggana. Nabuḵyag os da iblu we nigiliyan da losane ḵingwan da tagu woḵ naḵuwis da sin-ossaossa sigun atta ḵingwadae nigili'tta annae iblu.