Luke 16:16 - Sa Ugud Apudyus

¹⁶ “Sa lintog Moses ya sa inggilin da profeta, siya tinuttuwan da tagu inggana si timpun John we Ambobonyag. Inggan ni sadi ye timpu, niwaḻagawag Ambaḻu we Damag mipanggob si ampangatan Apudyus ḵad da losane tagu ipatutdae midoga.

Luke 16:16 Iomraidhean Croise

Matthew 10:7

Dinumane ayanyu, iwaḻagawagyu we sinsadi gattoḵe awad ḵan diḵayu ampangatan Apudyus.

Matthew 15:11

Sa mibelang aḵ angaissaw atte tagu si antotollong Apudyus, daḵampun atte lumnoḵ si sungadna yaḵon sa tumoḵwaḻ atte sungadna.”

Matthew 21:32

Te ummali'ḵ John we Ambobonyag woḵ intuttuduna ḵan diḵayu inonyu we mabiyag si maun-unane biyag yaḵon adiyupun pinati. Ḵad sa andadagup atta bugis ya sa puta, namatida ḵan siya. Taḵon ay nu intollongyu inondae nambabawi'tta basuḻda, adiḵayupun nambabawi'tta basuḻyu ya adiyupun os pinati.”

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 4:17

Inggan ni sadi ye timpu, insaḻad Jesus we nangiwaḻagawag woḵ ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Mark 1:14

Naabus ḵade nibaḻud aḵ John, nipauli'ḵ Jesus atte probinsiya'd Galilee ta umoyna iwaḻagawag Ambaḻu we Damag we naḻpu ḵan Apudyus.

Mark 1:45

Yaḵon adipun tummuttuwa. Amo ummoyna inuguugud ḵingwan Jesus ḵan siya. Pun sa nambanagana, adipun ogon ampappaila'ḵ Jesus we umoy atta udume ili te amoamod da tagu woḵ inninggaw si bumbummaaw. Yaḵon adu da tagu we ummoy ḵan siyae naḻpu'tta nansabasabali ye ili.

Luke 10:11

‘Taḵon ay gabun ni iliyu we anna'tta dapanni, ipaḻpagni ta angigammuwanyu we diḵayu asi ḵigad si madusaanyu. Yaḵon aaddi ye igammuwonyu we sinsadi gattoḵe awad oḵyan ḵan diḵayu ampangatan Apudyus.’

Luke 10:9

Ḵaanonyu da saḵit ya iwaḻagawagyu'tta tagu we gattoḵe sinsadi awad ḵan diḵayu ampangatan Apudyus.

Luke 16:29

“Yaḵon ḵanan Abraham, ‘Nu mipanggob atta susunudnu, awad de inggilin Moses ya da profeta we anuttudu ḵan dida. Ḵad dongngonda oḵyan ya tuttuwaonda da sanae nigili.’

Luke 16:31

“Yaḵon ḵanan Abraham, ‘Nu adida amati'tta inggilin Moses ya da profeta, adidapun os maawise amati taḵon ay nu awad umuli ye maḻpu'tta natoy.’ ”

Luke 9:2

pun imbuunna dida ta umoyda iwaḻagawag ampangatan Apudyus ya ḵaanonda da saḵit.

John 1:45

Pune sadi, indasan Philip aḵ Nathanael woḵ ḵanana ḵan siya, “Indasanni tagu we inggilin Moses si lintog ya da profetan Apudyus atte awe. Siya'ḵ Jesus we abeng Joseph we iNazareth.”

John 11:48

Te nu ipayam taḵu ya ḵooḵoona, losan da tagu amati ḵan siya. Ḵad umali da iRome we angipangat ḵan ditaḵu ya dadailonda templo ya sa ili taḵu.”

John 12:19

Pun ḵanan da Pharisee, “Ilanyu ḵad, ippun botlon taḵu te siya unudon da losane tagu si lubung.”

John 5:4

te sillaḻabi ḵad, an-osog anghel Apudyus ya inḵibyawna danum. Ḵad sa umunae umoy atte miḵibyawe danum, maḵaan saḵitna.

Acts 3:18

Yaḵon sa natoyan Jesus, sadi nituttuwaan ni impaigammun Apudyus mipagapu'tta losane profetanae ḵasapuḻane ampaḵaḻam ya matoy aḵ Kristu we ibuunna.