Luke 16:15 - Sa Ugud Apudyus

¹⁵ Pun ḵanan Jesus ḵan dida, “Diḵayu ḵad, ambalinonyu long-agyu'ḵ naun-unan si antotollong da tagu yaḵon iniiggammun Apudyus da somsomoḵyu. Ummanyu te sa ibelang da tagu we ampatog, lawwelawweng atte antotollong Apudyus.

Luke 16:15 Iomraidhean Croise

Matthew 23:5

Losane ḵoonda, ḵoonda ta angitollongan da tagu ḵan dida. Te da udum, padaḵoḻonda iiggaan da ḵopele nagiliyan si Ugud Apudyus we imbaḻangatda'tta ḵidayda baḵon nu intaḵodda'tta taḵḵayda. Ḵad piondae alliḵliḵwose ansisillup atta langgoyod.

Matthew 6:16

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

Matthew 6:2

“Pun nu awad ibadangnu si anḵasapuḻe tagu, adim umoy ipalapalawag ḵingwame ambaḻu, isun ni ḵoon da ḵapappaila'tta sinagoga ya da ḵaḻsa. Ḵoonda da sana ta midayawanda'tta tagu. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 6:5

Pinagatupan Jesus woḵ ḵanana, “Ḵad nu alluwaḻu ḵayu, adi ḵayu oḵyan miyisu'tta ḵapappaila te pipiondae sumisiḵade alluwaḻu'tta sinagoga ya da ḵaḻsa ta ilan da tagu dida. Ibagaḵ ḵan diḵayu ḵatuttuwaan, nagagangpute inawatda da gungunada.

Luke 10:29

Yaḵon piona panoḵnoḵane siya ḵad naun-unan. Pun ḵasinna bos ḵanane nan-imus ḵan Jesus, “Ngai asintataguḵ we ayatoḵ nu?”

Luke 11:39

Pun ḵanan Jesus ḵan siya, “Ḵaddagu ḵayu, diḵayu we Pharisee. Ḵapappaila ḵayu! Iissuyu tagu we ḵiwasanae abus labaw ni tasa ya sa palatu! Yaḵon ad daḻom atta somsomoḵyu, amod ḵamommodyu ḵan lawwelawweng ḵayu.

Luke 18:11

Nillumnoḵda ḵad, summiḵad Pharisee ye bummattawa'tta udum woḵ ḵananae nalluwaḻu, ‘Anggappiyaaḵ Apudyus te adiḵpun isu da udume an-igab, adidapun naun-unan, maḵadagdagasda taḵon ay annate andadagup atta bugis.

Luke 18:14

Pun ḵanan Jesus we nangiyanungus, “Annaya ibagaḵ ḵan diḵayu, ummoyonda ḵad, sa andadagup atta bugis imbelang Apudyus aḵ ippun basuḻna te pinakawanna. Yaḵon sa Pharisee, adimpun Apudyus pinakawan. Te ngaimane angipangatu si long-agna, mipababa. Ḵad ngaimane angipakumbaba si long-agna, mipangatu.”

Luke 18:21

Ḵanana ḵan siya, “Inggan ay ni ḵaban-ogḵu, tinuttuwaḵ losan da sadi ye lintog.”

Luke 18:9

Inug-uggud os Jesus ḵan dida annae pani'tta sanae antaḻgoddae naun-unanda ḵan potogonda da asintataguda.

Luke 20:20

Pun inuuwwayda gundawaydae anoḵma ḵan siya. Ḵingwada ḵad, tinangdananda da udume laḻaḵi ya nangibuunda'ḵ umoy anipusiput ḵan Jesus ya ipailadae isudan mataḻgodan. Yaḵon sa planuda, an-im-imusda ḵan Jesus ta awad ḵad isongbatna'ḵ anggadingandae angidaḻum ḵan siya, asidaot doḵmaan ya ummoyda impuḻang si gobernor. Te sa gobernor anna ḵaḻabbonganae anguwis.

Luke 20:47

Te allelawonda da baḻu ta aḻanda da ḵuḵuwada ya da boḻoyda ḵad anduanduwonda da luwaḻuda si sinagung da adu we tagu ta analingodda'tta ḵoḵoḵḵonda. Sa umali ye aḻgaw amo nadagdagson dusada.”

John 2:25

Ḵad adinapun ḵasapuḻane awad anaḵdoḻ mipanggob ḵan dida te inigammuna da awad atta somsomoḵda.

John 21:17

Pun impiḵlun Jesus ḵanan ḵan siya, “Simon we abeng John, ay-ayatom pagay saḵon?” Pun nasuḻsuḻdung aḵ Peter te piḵlunae nangimus ḵan siya we ḵanana, “Ay-ayatom pagay saḵon?” Ḵanan Peter, “Apu, igammum da losan. Ḵad igammume ay-ayatoḵ siḵa.” Ḵanan Jesus ḵasin, “Ayyuwanam da karneroḵ.

Acts 1:18

Annaya naḵwa ḵan Judas. Sa pilaḵe inawatna'ḵ tangdanna si ḵingwana, ingnginada'tte lutae ummoyna nangongatan si long-agna. Nan-uḻsunge naottag woḵ binnumtaḵ buwangna woḵ nibutlaḵay bagisna.

Acts 1:24

Pun ḵanandae nalluwaḻu, “Apu, gapu ta siḵa angigammu'tta ḵasomsomḵan da losane tagu, ipaigammum ud ḵan diḵani nu ngai pinilim atta annae duwa

Acts 15:8

Aḵ Apudyus we angigammu si awad atte somsomoḵ da tagu, impailanae inawatna da Gentil we namati si nangattana'tte Ispiritu Santu ḵan didae isun ni nangattana ḵan ditaḵu.

Romans 3:20

Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.

Romans 8:27

Ḵad aḵ Apudyus we angigammu'tta somsomoḵ taḵu, igammuna bos ḵasomsomḵan ni Ispirituna te sa iluwaḻuna para ḵan ditaḵu we taguna, sigun si pinion Apudyus.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

1 Peter 3:4

yaḵon mibatay oḵyan si awad atte somsomoḵyu we adipun maila ya adipun ḵumupas. Te sa ḵinabaḻu we ampatopatog atte antotollong Apudyus, siya ḵinaanggom ḵan allin-awae somsomoḵ.

1 Peter 5:5

Diḵayu ḵad ose bagbagu, ḵasapuḻane paipangat ḵayu'tta angipangpangu. Pun diḵayu losane namati, ḵasapuḻane ipakumbabayu da long-agyu'tta buḻunyu ta anserbi ḵayu'tte sin-ossaossa. Te ḵanan ni nigili ye ugudna, “Sullagiyon Apudyus da ngaimane ampasindayaw, yaḵon ipailana ḵinabaḻuna'tta ngaimane napakumbaba.”

Revelation 2:23

Gongatoḵ os da angunud ḵan siya. Ḵad siya angigammuwan da losane gimung da namati ḵan saḵone tuttuwae angigammu'tte awad atta somsomoḵ ḵan pusun da tagu. Ḵad gungunaaḵ sin-ossaossa ḵan diḵayu sigun atta ḵingwayu.