Luke 16:11 - Sa Ugud Apudyus

¹¹ Ḵad nu adi ḵayu mataḻgodane angdon atta ḵinabaḵnang si lubung, ngai bos inonae mitaḻgod ḵan diḵayu tuttuwae ḵinabaḵnang?

Luke 16:11 Iomraidhean Croise

Matthew 6:24

Pinagatupan Jesus woḵ ḵanana, “Adipun maḵwa'tte sammilu anserbi'tta duwae apu te aaddi ye ay-ayatona osa ya an-awidana osa. Ḵad ipapatinae anserbi si osa ya am-amsewona osa. Ḵad nu ḵatti, adipun maḵwae tuttuwae anserbiḵa ḵan Apudyus nu siya igaw ni somsomoḵnu gamgamam adu we binaḵnang.”

Luke 12:33

Pun inginayu da ḵuḵuwayu ta ittonyu'tta ḵapus. Te nu ḵoonyu ḵaḵna, isuyun amompon aḵ binaḵnang ad langite annat atta pitaḵayu we adipun maaminan aḵ pilaḵ ya ippun angaḵaw ḵan anadail.

Luke 16:12

Nu adi ḵayu bos mataḻgodane angdon atta ḵuḵuwan ni osa, ngai asi angitod aḵ ḵuḵuwayu?

Luke 16:9

Pun annaya ibagaḵ ḵan diḵayu, usaronyu da binaḵnangyu'tte annae lubung aḵ maḵabuḻbuḻunanyu te dumatong ḵad timpu we maaminan ḵayu, awaton diḵayu'd langite inggawanyu'ḵ inggana.”

Luke 18:22

Dingngoḻ ḵad Jesus, ḵanana ḵan siya, “Os-ossaan adimpun ḵingwa. Inḵa ingina da losane ḵuḵuwam ya iwaḻasnu bayadda'tta ḵaḵapus woḵ awad de binaḵnangnu we inggappot Apudyus ad langit. Umaliḵa, tun-udonaḵ.”

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

Revelation 3:18

Pun bagbagaaḵ diḵayu we ngumina ḵayu si buḻawan ḵan saḵone naḻunag ḵan pinapoḻḵas ni apuy ta bumaḵnang ḵayu we tuttuwa. Ngumina ḵayu bos si itaḵe silupe iḵabotyu ta adi ḵayu mabainan gapu ta amboboddang ḵayu. Ngumina ḵayu bos si agase iyagasyu'tta atayu ta pumadda ilanyu.