Luke 15:8 - Sa Ugud Apudyus

⁸ Pinagatupan Jesus we nangipani woḵ ḵanana, “Awatna nu awad bubai'ḵ awad simpuḻu'ḵ palatana, ya tinaḻaḵna osa, ngai ḵamman ḵoona? Aaddi ye siya ḵoona tonggana silaw ya ummanae anagad si boḻoyna ya singsingtona inggana'ḵ odasana.

Luke 15:8 Iomraidhean Croise

Matthew 5:15

Naippun tagu'ḵ tonggana silaw ta laḵḵobana bos atte aḵḵubaw. Ḵasapuḻane iggana si sasap-aḻan ni silaw ta masilawan da inggaw ad daḻom si boḻoy.

Luke 15:7

Iyyanungus Jesus ḵanan, “Annaya ibagaḵ ḵan diḵayu, ḵatti bose amod de ganas Apudyus ya da anghelna'd langit atte osae ḵabasbassuḻane ambabawi'tta basuḻna ya agaynae angwa nu sa ganasda'tta siyampuḻu ya siyame naun-unane tagu we adidapun ḵasapuḻane ambabawi'tta basuḻda ya adidapun agaye angwa.”

Luke 15:9

Ḵad nu odasana, ayagana da buḻbuḻunna ḵan daḻnigna ya ḵanana, ‘Maḵagangganas ḵayu ḵan saḵon te annae indasaḵ pos pagay nataḻaḵe palataḵ!’ ”

Luke 19:10

Te saḵone Abeng Di Tagu, ummaliyaḵ ta iyyaḵ sington ḵan taguwon da nataḻaḵe tagu.”

John 10:16

Awad da udume karneroḵe naippun atte annae puḵuḵan. Ḵasapuḻane ayagaḵ dida ta dongngonda gingaḵ. Ḵade sadi ambalinda'ḵ ossaane grupu ya ossaan antangḵon.

John 11:52

Ḵad daḵampun aḵ abus da ḵailiyana yaḵon andaḵdaḵngona da abeng Apudyus we naas-asipaḻaḵ atta nansabasabali ye ili ta da losane abeng Apudyus Judyu man ḵan Gentil an-ossaanda.

Acts 19:19

Inggaw da udum ḵan didae da ambubuyun, dida nanagup atta ibluda woḵ soggonda'tte sinagung da adu we tagu. Iniyapda ḵad gatad da iblu umoye limampuḻu we libu we palata.

Ephesians 2:17

Ḵad ummali'ḵ Kristu si annae lubung woḵ iwwaḻagawagna'tta Gentil we adayu ḵan Apudyus si awe ya da Judyu we adani ḵan Apudyus mipanggob atte inon da tagu we allin-awa maḵabuḻbuḻunanda ḵan Apudyus.