Luke 15:28 - Sa Ugud Apudyus

²⁸ “Yaḵon summanga panguḻu woḵ adinapun pione lumnoḵ. Pune sadi, lummawa amada woḵ nandagdagu we angayag ḵan siya.

Luke 15:28 Iomraidhean Croise

Matthew 20:11

Pun innaḻada ḵad da tangdanda, insaḻaddae singngongonot atte sinḵuwa'tte mumuḻḻaan atta de grape

Mark 1:40

Sin-aḻgawan ḵad, inninggaw osae laḻaḵi ye naleprosy ye ummoy ḵan Jesus woḵ nanalluḵu nandagdagu, ḵanana, “Nu piom, lamognu ḵaanon saḵitḵu.”

Luke 13:34

Pune sadi ḵanan Jesus, “Atoḵayupaye iJerusalem, diḵayu nanggongat atta profeta ḵan namatubatu'tta imbuunna! Nangampigae pioḵ dagupon diḵayu ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

Luke 15:2

Pun da Pharisee ya da mimistulun ni lintog ḵanandae nallili, “Ilanyu ḵad annae tagu! Ngaipana pione maḵaug-uggud atta ḵabasbassuḻan ya taḵon ay os ḵaḵan midoga bos ḵan dida!”

Luke 15:27

Pun ḵanana, ‘Aḵ sunudnu awade dummatong. Pun siya nangisidaan amayu si antabae baḵa te pinadatongnae naippun naḵwa ḵan siya'ḵ lawweng.’

Luke 15:29

Yaḵon ḵananae summongbat, ‘Pigan tawone nanḵewaaḻaḵe isun da musassum ḵad tinuttuwaḵ losan da bilinnu. Yaḵon adiḵapun paat nangitod taḵon ay ubbun di kalding ta awad pay oḵyan naḵagangganasaḵ atta buḻbuḻunḵu.

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Luke 5:30

Singngongonot da Pharisee ya da udume mimistulun ni lintog atta disipulun Jesus we ḵananda, “Ngaipa ḵayu maḵaḵan atta andadagup atta bugis ya da udume ḵabasbassuḻan?”

Luke 7:39

Innilan ḵad ni Pharisee ye nangayag ḵan Jesus da ḵingwan ni bubai, ḵanana'tte somsomoḵna, “Nu tuttuwae profeta annae tagu, igammuna oḵyan ain ḵinatatagun ni annae bubai ye angap-appus ḵan siya! Ḵabasbassuḻan!”

Acts 13:45

Yaḵon innilan ḵad da Judyu da aduadu we tagu, amod de aposda. Pun sinullagida da imbagan Paul woḵ nan-uguugudanda'ḵ lawweng.

Acts 13:50

Yaḵon da Judyu we adipun namati ḵan Jesus, sinubsubda da nangangatu saaddae bubbubai ye nandaydayaw ḵan Apudyus ya da papangat atte sadi ye siyudad. Pun insaḻaddae amaḵaḻam ḵan da Paul ḵan Barnabas woḵ pinaḻyawda dida si ilida.

Acts 14:19

Yaḵon dummatong sidi da Judyu we naḻpu'd Antioch ya ad Iconium woḵ inawisda da aduadu we tagu ta batubatuwonda'ḵ Paul ya butbutonda si lasin ni siyudad te ḵanandapun nu natoy.

Acts 14:2

Yaḵon da Judyu we adipun tummuttuwa gapu si adidapun namatiyan, sinubsubda da Gentil ta paḻawengonda da somsomoḵ da susunud ḵan Kristu.

Romans 10:19

Imusoḵ ḵasin, adimpun ḵad ain da ganaḵ Israel naawatan sadi ye dingngoḻda? Tuttuwae naawatanda te taḵon ay da Gentil naawatanda. Annaya inggilin Moses we Ugud Apudyus atta ganaḵ Israel we ḵanana, “Ḵooḵ maaposanyu'tta tagu we inam-amsewyu. Ḵad ḵooḵ sumang-anyu'tta tagu we imbelangyu'ḵ ippun igammuda mipanggob ḵan saḵon.”

2 Corinthians 5:20

Pun sinsadi, isun di aḵ Apudyus we mismu angawis ḵan diḵayu mipagapu'tte angusarana ḵan diḵani ye angituttudu ḵan diḵayu si ugudnae isunan diḵani angiyugud ḵan Kristu. Ḵad gapu ḵan Kristu, iyunudyu ḵappose mipaḻ-og maḵabuḻbuḻunanyu ḵan Apudyus.

1 Thessalonians 2:16

te taḵtaḵonda diḵani ye angibaga'tte Ugud Apudyus atta Gentil ta mataguda oḵyan. Sa ḵoondae sanat, dog-adog-anda da basuḻda ḵad dumatong ḵan dida sindumallu we sangan Apudyus.