Luke 15:24 - Sa Ugud Apudyus

²⁴ Te sa annae abengḵu isun di natoy yaḵon annae natagu. Nataḻaḵ yaḵon annae naodasan.’ Pune sadi insaḻaddae nanggangganas.

Luke 15:24 Iomraidhean Croise

Matthew 8:22

Ḵanan Jesus ḵan siya, “Tun-udonaḵ. Awad da adipun amati ḵan saḵone isudan natoy, dida asi umoy angilibon atta natoyda.”

Mark 8:22

Dummatong ḵad da Jesus ad Bethsaida, inninggaw da nangiyoy si laḻaḵi ye naḵuḻap ḵan siya. Nandagdaguda ta ipatayna imana'tte naḵuḻap ta maḵaila.

Luke 10:19

Innatodḵu ḵan diḵayu ḵabooḻan ta oḻgonyu'ḵ Satan. Taḵon ay ngai ḵoonae amadas si ḵabooḻana, adiḵayupun paat madiwdiwat. On, taḵon ay gusdanyu da uḻog ya da gayyaman!

Luke 15:23

Ḵad inḵayu aḻan antabae baḵa ta ansida taḵu ḵan anggangganas taḵu.

Luke 15:25

“Yaḵon inninggaw panguḻu we abengna'tte pappayaw. Ḵesan ḵad atte ili, dingngoḻnae andi da anḵanḵanta ḵan ansasala,

Luke 15:32

Yaḵon ḵasapuḻane anggangganas taḵu te sa annae sunudnu isun di natoy yaḵon natagu. Nataḻaḵ yaḵon naodasan.’ ”

Luke 15:4

“Awatna, nu awad karneron ni osa ḵan diḵayu'ḵ singgasut ya mataḻaḵ osa, ngai ḵamman ḵoona? Tenana da siyampuḻu ya siyam atte bumbummaaw ta umoyna sington nataḻaḵ inggana'ḵ odasana.

Luke 19:10

Te saḵone Abeng Di Tagu, ummaliyaḵ ta iyyaḵ sington ḵan taguwon da nataḻaḵe tagu.”

Luke 9:60

Ḵanan Jesus ḵan siya, “Awad da adipun amati ḵan saḵone isudan natoy, dida asi umoy angilibon atta natoyda. Yaḵon inḵa ya iwaḻagawagnu ampangatan Apudyus.”

John 11:25

Ḵanan Jesus, “Saḵon anagu ḵasin atta natoy ya angitod atte biyag aḵ inggana. Ḵad ngaimane amati ḵan saḵon, taḵon ay nu matoy, matagu'ḵ inggana.

John 5:21

Te nu tinagun Amaḵ da natoy ya ittana dida si biyag, taguwoḵ ose Abengna ya ittaḵ os si biyag da pioḵ.

Romans 11:15

Te gapu si nangidiyanan Apudyus atta Judyu, sadi bos gundaway da udume tagu'tte lubunge mipaḻ-og maḵabuḻbuḻunanda ḵan siya. Ḵad asimbumaḻu nu awaton Apudyus ḵasin didae isuna umuliyan da natoy.

Romans 12:15

Maḵalaylayad ḵayu'tta allaylayad ya maḵadomdom ḵayu'tta andomdom.

Romans 6:11

Pun ḵasapuḻane ibelang taḵu da long-ag taḵu'ḵ natoy si basuḻ ta ippun ogon ḵabooḻana ḵan ditaḵu. Yaḵon gapu'tte nidog-an taḵu ḵan Jesu Kristu, matagu taḵu'ḵ inggana ta midayaw aḵ Apudyus mipagapu'tte biyag taḵu.

Romans 6:13

Ḵad adi taḵu usaron ngaimane ḵamangay da long-ag taḵu we angwa'ḵ lawwenge isun ni dagus taḵu ḵingwa si daan taḵu amatiyan woḵ nibelang taḵu'ḵ nanattoye patilayun angwa'ḵ basuḻ. Yaḵon idatun taḵu da long-ag taḵu ḵan Apudyus we angwa'tta maun-unane panggobna te sinsadi innatod Apudyus ḵan ditaḵu baru we biyage anserbi ḵan siya.

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

1 Corinthians 12:26

Pun nu awad ansigab si osae ḵamangay ni long-ag, giḵnaon da losane ḵamangay ni long-ag. Ḵad nu madayaw osa, maḵalaylayad da losan.

Ephesians 2:1

Sa daanyu amatiyan, isuyun nanattoy atte mipanggob ḵan Apudyus gapu'tta basuḻyu.

Ephesians 2:5

Taḵon ay nu isun di natoy taḵu gapu'tta basuḻ taḵu, innatodna baru we biyag gapu si niyossaanan taḵu ḵan Kristu. Pun sa ḵinabaḻun Apudyus gapun ni nataguwan taḵu'tte madusaan si basuḻ.

Ephesians 5:14

Ḵad pumadda da losan nu nasilawanda. Sadi piona ḵanan atte nigili ye Ugud Apudyus we ḵanana, “Bumangonḵae masusuyop, mataguḵae natoy, ta silawan Kristu somsomoḵnu.”

Colossians 2:13

Sa naḻaḵpuse aḻgaw, isun di natoy ḵayu si mipanggob ḵan Apudyus gapu'tta basuḻyu ya gapu ta diḵayu we Gentil naippun igammuyu si mipanggob atte Lintog Apudyus. Yaḵon sinsadi, indogan Apudyus diḵayu'tte baru we biyage innatodna ḵan Kristu te pinakawanna da losane basuḻ taḵu.

1 Timothy 5:6

Yaḵon sa baḻu we siya gay ipapuutna somsomḵon allam-ayana, isun di natoy atte mipanggob ḵan Apudyus taḵon ay nu sissiyae matattagu.

Jude 1:12

Sa midog-anda ḵan diḵayu nu angan ḵayu ḵan ankumulgar ḵayu dumimoḵda. Ippun paat bainda, lawotda ḵan bartekeroda te sa long-agdae abus sosomḵonda. Mipanida'tta libuu we mibibbibbide ippun udanda. Isuda bos ḵayu we adipun amunga si ustu we amungaana baḵon nu sa ḵayu we naḻangu ya nabagut.

Revelation 3:1

Ḵanana bos, “Annaya isuḻatnu'tte anghel we angayyuwan atta namati ye magimugimung ad Sardis, ‘Saḵon aangdon atta pitu we Ispiritu Santu ya da pitu we bituwon. Annaya ibagaḵ ḵan diḵayu. Igammuḵ da ḵooḵoonyu, igammuḵe sa antotollong da tagu, ampigsa da pammatiyu yaḵon sa ḵatuttuwaan, natoy da pammatiyu.