Luke 15:15 - Sa Ugud Apudyus

¹⁵ Pune sadi ummoy lummabbu si osa'tta umili sidi woḵ siya ḵewaaḻna umoy antangḵon atta boḻoḵ.

Luke 15:15 Iomraidhean Croise

Matthew 7:6

Pinagatupan Jesus we nangipani mipanggob si adiyu ituttudu Ugud Apudyus atta tagu we angam-amsew ḵan adipun andongoḻ woḵ ḵanana, “Diḵayu ḵad, adiyu itton da ngaimane ampatog atta ngumoḻngoḻe asu te amo ḵumtobda. Ḵad adiyu bos itton ampatoge bongoḻ atta boḻoḵ te gudagudonda.”

Luke 15:13

“Naḻaḵpus ḵad sin-aḵitane aḻgaw, ingnginan ni udidi da losane billayna woḵ ummoy atte adayu we ili. Dummatong ḵad sidi, ginastuna pilaḵna'tta gaggatunge antatagu.

Luke 15:14

Naamin ḵad nagastu pilaḵna, dummatong ummamdane inggi'tte losane ili ye inninggawana ḵad naippun nabun-an ḵan siya.

Luke 15:16

Gapu ta nauḻauḻat, piona oḵyane angan atta ḵanon da boḻoḵ yaḵon naippun nangitod ḵan siya.

Romans 6:22

Yaḵon sinsana napuḵayan ḵayu'tte basuḻ ya nambalin ḵayu'ḵ musassun Apudyus. Ḵad sa ginanabyu, mitotoḵḵon ḵayu'ḵ taguna ta bumaḻu ugaliyu ḵad sa ambanagana awad ḵan diḵayu biyag aḵ inggana.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.