6 Pune sadi adidapun naḵasongbat.
Naippun ossaan sidi'ḵ lamog angibaga'tte songbat ni inimus Jesus. Inggan ni nangibag-ana'tte sana, naippun ogon maḵaituḻode an-imus ḵan Jesus.
Pun da losane sumullagi ḵan Jesus nababbainanda'tte sanae songbatna ya amod de layad da ḵaaduwane tagu'tta losane nakaskasdaawe ḵingwana.
Pune sadi, ippun indasanda'ḵ anggadinganda'tta imbagan Jesus atte sinagung da tagu woḵ naabus ḵad gummiginnoḵda te nataagda si insongbat Jesus.
Inggana'tte sadi, naippun ogon maḵaituḻode an-imus ḵan Jesus.
Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.
Yaḵon adidapun oḻgon te innatod ni Ispiritu Santu ḵan siya ḵinalainge anongbat ḵan dida.
