Luke 14:28 - Sa Ugud Apudyus

²⁸ “Pun ḵasapuḻane sosomḵonyu we umuna ampaḵaḻaman ni ambalin aḵ disipuluḵ. Awatna, nu awad osa ḵan diḵayu'ḵ antaḵad aḵ daḵoḻe boḻoy, ḵasapuḻane unaona pattapattaon nu lamogna pilaḵna gastuwon si inggana'ḵ magangput.

Luke 14:28 Iomraidhean Croise

Matthew 10:22

Ḵad sasangngaan os diḵayu'tta losane tagu gapu si pammatiyu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Luke 14:27

Ḵad ngaimane adinapun bubuḵḵudon de krosna ya maḵasaganae ampaḵaḻam ḵan matoy ta mitun-ud ḵan saḵon, adipun mibelang aḵ disipuluḵ.

Luke 14:29

Te nu adina unaon pattapattaon ya adimpun ni pilaḵna lamog, ampatingga si abuse mataḵad aliḵina ya adipun maḵapagatup. Ḵad em-emeson da losane angila ḵan siya.

Luke 14:33

Pun ḵaḵnat os ḵan diḵayu nu pionyu we ambalin aḵ disipuluḵ, ḵasapuḻane tenanyu da losane awad ḵan diḵayu.”

Acts 21:13

Pun summongbat aḵ Paul woḵ ḵanana, “Ngaipa ḵayu sin-iibil ya paḻawengonyu somsomoḵḵu? Te naḵasaganaaḵe mibaḻud ya taḵon ay nu matoyaḵ ad Jerusalem mipagapu ḵan Apu Jesus.”