Luke 13:34 - Sa Ugud Apudyus

³⁴ Pune sadi ḵanan Jesus, “Atoḵayupaye iJerusalem, diḵayu nanggongat atta profeta ḵan namatubatu'tta imbuunna! Nangampigae pioḵ dagupon diḵayu ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

Luke 13:34 Iomraidhean Croise

Matthew 22:3

Naganggangput ḵade insaganana, nambuun atta sammiluna'ḵ ummoy nan-ayag atta ummunae naayagan. Yaḵon adidapun ummali.

Matthew 22:6

Da udum ḵad, dinoḵmaanda da sammilun ni ari woḵ nampaḵaḻamonda dida woḵ asidaot dida gongaton.

Luke 15:28

“Yaḵon summanga panguḻu woḵ adinapun pione lumnoḵ. Pune sadi, lummawa amada woḵ nandagdagu we angayag ḵan siya.

Luke 19:44

Aminonda dadailon iliyu ya da losane tagu. Ḵad maamin miwalis da sana ta naippun mabun-an taḵon ay ossaane batu si igawna te adiyupun binigbig umaliyan Apudyus we anagu ḵan diḵayu.”

Luke 23:28

Yaḵon nantawili ḵad aḵ Jesus ḵanana, “Bubbubai ye iJerusalem, daḵampun oḵyan aḵ saḵon ibilanyu yaḵon siya ibilanyu da long-agyu ya da abengyu.

Acts 7:52

Awad ḵamman profeta'ḵ adin da danaḵḵoḻ taḵu nampaḵaḻamon? Gingngatda da imbuun Apudyus si awe ye ummoy nangipaigammu si umaliyan ni naun-unane aḵ Jesus ya sinsadi intuyuḵyu ya gingngatyu.

Acts 7:59

Sa amatubatuwanda ḵad ḵan Stephen, nalluwaḻu woḵ ḵanana, “Apu Jesus, awatom ḵalidodwaḵ.”

Acts 8:1

Aḵ Saul ḵad, iyyunudna nagongatan Stephen. Sadi nangisaḻdandae namaḵaḻam atta namati ye magimugimung ad Jerusalem. Pun nabuḵaḻda'tta adu we ili si probinsiya'd Judea ḵan Samaria, malaksid da apostol.

Revelation 11:8

ya anḵabadong da ladagda'tte ḵaḻsa'tte daḵodaḵoḻe siyudade nipattoḻan ni Apuda'tte kros we sadi mipani'd Sodom ya ad Egypt.