Luke 13:16 - Sa Ugud Apudyus

¹⁶ Pun sinsadi, anna ḵan ditaḵu annae bubai ye ganaḵ Abraham we nampaḵaḻamon Satan si nasawaḻan aḵ waḻu we tawon. Ḵasapuḻan ḵammane mapuḵayan atte ampaḵaḻamana si umillongan?”

Luke 13:16 Iomraidhean Croise

Matthew 4:10

Ḵanan Jesus, “Ḵumassadḵa, Satan! Te ḵanan ni nigili'tte Ugud Apudyus, ‘Sa Apu we Apudyusnu, siya abus aḵ dayawom ḵan anserbiyam.’ ”

Mark 2:27

Pun ḵanan Jesus we nangiyanungus, “Daḵampun aḵ ḵingwan Apudyus da tagu gapu'tte umillongan! Ḵingwana sadi ye aḻgaw para'tte umillongan da tagu.

Luke 16:24

Pune sadi nampoḵaw woḵ ḵanana, ‘Ama Abraham, ḵadaguwanaḵ ḵappos ta ibuunnu'ḵ Lazarus ta ilinongna tammuduna'tte danum ta itodtodna si delaḵ ta matungninan. Te annan ummamdan ampaḵaḻamaḵ si apuy.’

Luke 19:9

Pun sa ḵanan Jesus atta tagu si mipanggob ḵan Zacchaeus, “Sinsadi, tinagun Apudyus da annae simbaḻyan atte madusaanda'tta basuḻda te tuttuwae ganaḵ os Abraham gapu'tte pammatina.

Luke 3:8

Adipun paat maḵwa te ḵasapuḻane ḵoonyu da losan ta ipailayu we tuttuwae imbabawiyu da basuḻyu ya iyyagayyu we nangwa. Ḵad adiyu pay maag ḵanane miligsi ḵayu te aḵ Abraham daḵdaḵoḻyu. Annaya ibagaḵ ḵan diḵayu te aḵ Apudyus maḵwae ambalinona da annae batu'ḵ ganaḵ Abraham!

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

Acts 13:26

“Susunudḵu we ganaḵ Abraham ya diḵayu we Gentil we angisipog ḵan Apudyus, ditaḵu nangittan Apudyus si ugudnae mipanggob si anaguwana ḵan ditaḵu.

2 Timothy 2:26

Ta ansomsomḵanda ya miligsida si siḵap Satan we angawis ḵan didae angwa'tta piona.