Luke 13:11 - Sa Ugud Apudyus

¹¹ Inninggaw bubai ye nilaḻaḵod ni aḻan atte nasawaḻan aḵ waḻu we tawon ya adipun maḵauyad.

Luke 13:11 Iomraidhean Croise

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Mark 9:21

Pun ḵanan Jesus we nangimus atte amana, “Ḵamaan ni nangisaḻdanae ḵaḵna?” Ḵanan ni amana, “Insaḻadna si ḵaban-ogna.

Luke 13:12

Innilan ḵad Jesus, inayagana woḵ ḵanana, “Ina, mapuḵayanḵa'tte sanate ampaḵaḻamam!”

Luke 13:16

Pun sinsadi, anna ḵan ditaḵu annae bubai ye ganaḵ Abraham we nampaḵaḻamon Satan si nasawaḻan aḵ waḻu we tawon. Ḵasapuḻan ḵammane mapuḵayan atte ampaḵaḻamana si umillongan?”

Luke 21:28

Pun nu dumatong misaḻdan da annae maḵwa, papigsaonyu da somsomoḵyu te madam-ane subuton Apudyus diḵayu.”

Luke 8:2

Inninggaw os da nibuḻune udume bubai ye ḵinaan Jesus da saḵitda ya pinaḻyawna da aḻan ḵan dida. Nidoga'ḵ Mary ye maawagan aḵ Magdalene we napaḻyaw da pitu we aḻan ḵan siya.

Luke 8:27

Lummogsadda ḵad atte bangka, inabot ni laḻaḵi ye naaḻanane iGerasenes aḵ Jesus. Nabayage amboboddang ya iinggaw atte lilibbonan.

Luke 8:43

Sa amoamodan os da tagu, inninggaw bubai ye dumaḻadaḻa'tte nasawaḻan aḵ duwae tawon. Taḵon ay nu naaminan atta nampaagasana, naippun naḵaagas ḵan siya.

Acts 3:2

Inggaw laḻaḵi ye nibuḵnage napilaye inninggaw si lewangan ni templo we nginadananda'ḵ Ambaḻu we lewangan. Inaḻgawe wawayonda iyoy sidi ta antapatapaya'tta lumnoḵ.

Acts 4:22

Sa sadi ye tagu we naḵaan pilayna lummabose opatpuḻu tawonna.