Luke 12:58 - Sa Ugud Apudyus

⁵⁸ Nu awad angidaḻum ḵan siḵa, daguse maḵaaligluḵa ḵan siya si daanyu miduuman si korti. Te nu adim ḵoon, ipuḻangna siḵa'tte ḵuwis ḵad indalisna bos siḵa'tta guwaḻda ya mibaḻudḵa.

Luke 12:58 Iomraidhean Croise

Matthew 18:30

Yaḵon adinapun ḵinadaguwan woḵ impaibaḻudna inggana'ḵ bayadana utangna.

2 Corinthians 6:2

Te awad de nigili ye Ugud Apudyus we ḵanana, “Dingngoḻḵu da luwaḻuyu si timpu we ḵummadaguwaḵ ḵan diḵayu ya tinaguḵ diḵayu'tte ustu we aḻgawe bummadangaḵ ḵan diḵayu.” Sosomḵonyu anna, sinsadi ustu we timpu we angngoḻan Apudyus ḵan diḵayu ya sinsadi ustu we aḻgawe mataguwanyu.

1 Peter 3:19

Ummoy ispirituna nawwaḻagawag atta nibabaḻude ḵalidodwan da nanḵaḵatoy.

2 Peter 1:15

Pun iggaḵ ḵabooḻaḵe angibaga'tta sana ta sibotḵu ḵade matoy, pasigyu iḵagasmoḵ da sana.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.

Revelation 20:7

Nu magangput sillibu we tawon, mapuḵayan aḵ Satan atte nibaḻudana.