Luke 12:56 - Sa Ugud Apudyus

⁵⁶ Ngaipayu ḵamman mailasin da sinyal ni luta ḵan langit ya ippun igammuyu'tta sinyal Apudyus we mipanggob ḵan saḵon? Ḵapappaila ḵayu!”

Luke 12:56 Iomraidhean Croise

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 16:3

Ḵad nu bigbigat si dumingit init ya allilidaga'd langit ḵan anggiḵbot da libuu, ḵananyu bose, ‘Umudan aḵ uni!’ Ngaipayu lamog imatunan da sinyal ni lubung ḵan langit ya adiyupun lamog imatunan da sinyal Apudyus we maḵwa si sanae aḻgaw?

Matthew 6:2

“Pun nu awad ibadangnu si anḵasapuḻe tagu, adim umoy ipalapalawag ḵingwame ambaḻu, isun ni ḵoon da ḵapappaila'tta sinagoga ya da ḵaḻsa. Ḵoonda da sana ta midayawanda'tta tagu. Ibagaḵ ḵan diḵayu ḵatuttuwaan, nagagangpute inawatda da gungunada.

Galatians 4:4

Yaḵon dummatong ḵad ustu we timpu we inḵoddong Apudyus, imbuunna abengna ta miyanaḵ atte bubai. Niyanaḵe Judyu we paituray atte lintog.