Luke 12:35 - Sa Ugud Apudyus

^35-36 Pinagatupan Jesus woḵ ḵanana, “Ansasaggana ḵayu oḵyane isun da sammilu we anguuwway si apudae ummoy naḵakasar. Ansisillupda ya tinongganda da silawe anguuway ta buḵatandae dagus onob nu mipauli ya anḵugḵug.

Luke 12:35 Iomraidhean Croise

Matthew 25:1

Pinagatupan Jesus woḵ ḵanana, “Mipani ampangatan Apudyus atta simpuḻu we babaḻasange innaḻada da silawda woḵ ummoyda inabot laḻaḵi ye ankasar.

Matthew 5:16

Isuna bose ḵasapuḻane silawanyu oḵyan da tagu ta ilanda ambaḻu we ḵoonyu ḵad dayawonda'ḵ Amayu'd langit.”

Ephesians 6:14

Pasig ḵayu maḵasagana ta itaḵdogyu sagangon ḵan sullagiyon da ḵabusuḻ atte amatiyanyu'tte ḵatuttuwaane maḻpu ḵan Apudyus. Sa ḵatuttuwaane maḻpu ḵan Apudyus isun di taḵyade iḵabot da suḻdadu si ansaganaandae umoy maḵagubat. Unudonyu bos maun-unane antatagu we maḻpu ḵan Apudyus. Sanat isun di taḵupaḻe anaḻaḵnib atta baḻuḵung da suḻdadu.

Philippians 2:15

ta naippun idellawda ḵan diḵayu we abeng Apudyus ya ambaḻu da losane ugaliyu. Te taḵon ay nu maḵaigaw ḵayu'tta lawweng ya ḵabasbassuḻane tagu si annae lubung, naippun oḵyan angkuranganyu ta miyisu ḵayu'tta bituwone lumanglangḻang silawda'tte labi.

1 Peter 1:13

Pun isaganayu da somsomoḵyu we angwa'tta pinion Apudyus ya tupodonyu da long-agyu'tta losane ḵoonyu. Sosomḵonyu we ustuustu namnamaonyu we ḵinabaḻun Apudyus we ipailana ḵan diḵayu si mipauliyan Jesu Kristu.