Luke 12:32 - Sa Ugud Apudyus

³² “Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

Luke 12:32 Iomraidhean Croise

Matthew 14:27

Pun daguse gumminga'ḵ Jesus woḵ ḵanana, “Tumuḻod ḵayu! Adi ḵayu maḵimut! Saḵon aḵ Jesus!”

Matthew 20:16

Pun ḵanan Jesus we nangiyanungus, “Sinsadi, adu da tagu we nangatu we mipababa ya da nababae tagu sinsadi, mipangatuda si umali ye aḻgaw.”

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Matthew 7:15

Ḵanan os Jesus we nangipani, “Ummanyu'tta sinan profeta we dumatong ḵan diḵayu. Te sa ḵatollonganda an-ammaydae isun di karnero yaḵon sa ḵatuttuwaan, isudan tanane asu we ḵuman.

Luke 10:21

Sa nangibag-ana'tte sadi, pinalayad ni Ispiritu Santu aḵ Jesus woḵ ḵananae nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng. On, ḵingwam ḵaḵna te siya piom.”

John 18:36

Ḵanan Jesus, “Sa ḵaḻabbongaḵe ampangat daḵampun aḵ maḻpu si annae lubung. Nu maḻpu si annae lubung ḵaḻabbongaḵe ampangat, aaddi ye naḵagubat da disipuluḵ ta adiyaḵ oḵyan mipuḻang atta Judyu.”

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

Acts 20:29

Te igammuḵe sibot ḵad ni ayonaḵ, awad da umali ḵan diḵayu we sinan mistulu we isudan atape asu we umoy dumadail si pammatiyu ya da ayyuwananyu. Ḵad ippun gagada ḵan dida.

Romans 6:23

Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.

1 Corinthians 1:21

Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

Philippians 2:13

Te aḵ Apudyus, patilayune anna ḵan diḵayu ta siya ḵoonyu da mas-omana ḵad ittona ḵabooḻan ḵan diḵayu we tumuttuwa.

2 Thessalonians 1:11

Pun patilayune iluwaḻuwanni diḵayu ta ambalinon Apudyus diḵayu'ḵ tagu we mibagay si namiliyana ḵan diḵayu. Ituttuwana oḵyan pos da losane ambaḻu we panggobyu ya da losane ḵingwayu ya da pammatiyu gapu'tte ḵabooḻana.

2 Thessalonians 1:5

Sadi angipaila si gattoḵe naun-unane anḵuḵuwis Apudyus atta tagu. Te mipagapu'tte ampaḵaḻamane inan-anusanyu sinsana, nipailae mibagay ḵayu we midoga si ampangatana.

Hebrews 12:28

Pun anggappiya taḵu ḵan Apudyus te midoga taḵu si ampangatanae adipun mayugayug. Ḵad dayawon taḵu'tte mas-omana ya patgan taḵu ḵan isipog taḵu.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.

Revelation 1:6

Ḵad indogana ditaḵu si ampangatana woḵ ḵingwana ditaḵu'ḵ papadi ye anserbi ḵan Apudyus we Apudyusna ya Amana. Aḵ Jesu Kristu oḵyan madaydayaw ya ampangat aḵ inggainggana. Amen.

Revelation 22:5

Ḵad naippun ogon labi, adidapun ogon masapuḻ paddan ni silaw baḵon nu sa init te mismu we aḵ Apudyus we Apu allangḻang ḵan dida. Ḵad maḵapangatda ḵan siya'ḵ inggainggana.