Luke 12:19 - Sa Ugud Apudyus

¹⁹ Ḵad nu magangputda, ḵanaḵ si long-agḵu we pianaḵ! Te amoamod inapitḵu ḵad masawaḻ si pigae tawon ya umillongaḵ ḵan iggaḵe angaangan ḵan uminuinum ya allaylayadaḵ!’

Luke 12:19 Iomraidhean Croise

Luke 12:18

Unipun ḵanana, ‘Ay ḵaḵna gay ḵooḵ! Baḵasoḵ ay da aḻangḵu ta padaḵoḻoḵ dida ta lamog da ḵuḵuwaḵ ya da apitḵu.

Luke 16:19

Ḵanan Jesus, “Inninggaw laḻaḵi ye baḵnange nansilup atta ampapatoge silupe naḵwa'tte purple we sinnun ḵad inaḻgawe nansida ya anggangganas.

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.

1 Corinthians 15:32

Nu daḵampun aḵ umuli da natoy, ngai gay lawa maganabḵu we sumangu'tta ḵumane tagu we isuḵ nin maḵapatoy atta ḵumane ayam sina'd Ephesus? Nu daḵampun aḵ umuli da natoy, adi un-unnoyna unudoḵ uuggudone ḵanana, “Angaangan taḵu ya uminuinum taḵu te appigat matoy taḵu.”

Philippians 3:19

Te aaddi ye sa ambanagan ni biyagda, madusada'ḵ inggana'd infiernu. Te dida ḵad, siya ambalinonda'ḵ apudyusda da pipion da long-agda. Ḵad siya is-isḵaḻda da ḵababbaine ḵoḵoḵḵonda. Siya bos ipapuut ni somsomoḵda da awad si luta.

1 Timothy 5:6

Yaḵon sa baḻu we siya gay ipapuutna somsomḵon allam-ayana, isun di natoy atte mipanggob ḵan Apudyus taḵon ay nu sissiyae matattagu.

1 Timothy 6:17

Bilinom da babaḵnang sinsadi si annae lubung ta adida ampasindayaw ya adida antaḻgod atta binaḵnangdae sin-aḵitan ya maumas. Yaḵon aḵ Apudyus oḵyan antaḻgodanda te siya angitoitod atta losane ḵasapuḻan taḵu ta gangganason taḵu dida.

2 Timothy 3:4

Ituyuḵda da buḻunda ya ḵoonda da banage adidapun umman somsomḵon ambanagana. Amod ampapasindayawda. Daḵampun ḵan Apudyus ayatonda yaḵon siya amaamayonda da gangganasonda.

James 5:5

Amod de lam-ay ḵan ganas ni biyagyu sina'd luta. Ḵad isuyun baḵae tummabae madam-an misid-ana.

1 Peter 4:3

Sa awe, amod de tinangtanggayu we timpu si nangwaanyu'tta pipion da adipun amati ḵoon. Te ḵingwayu da isun da ḵaissaw ḵan ḵababbaine pipion da long-agyu, da bartek, natuḻ-ayane gangganas ya sa nanaydayawanyu'tta sinan-apudyus we misullagi si bilin Apudyus.

Revelation 18:7

Sa ḵinaadun ni ḵinabaḵnangna ḵan ḵinasoḵaḻna, ḵaḵnat os isun ni lopong ni ampaḵaḻamana ya sa domdomna. Te ḵanana'tte somsomoḵna, ‘Saḵon de queen we ampangat. Andomdomaḵ ḵammane isun di baḻu?’