Luke 12:15 - Sa Ugud Apudyus

¹⁵ Ḵanana'tta losane tagu, “Ummanyu ta adi ḵayu masulisug ya maḵabasuḻ si ḵamommod atta ḵuḵuwan da buḻunyu. Te sa biyag daḵampun aḵ mibatay atta ḵuḵuwa, taḵon ay nu ngai ḵinabaḵnang taḵu.”

Luke 12:15 Iomraidhean Croise

Mark 7:22

andomos atta ḵuḵuwan da udum, ḵoona da lawweng atta asintataguna, umallelaw, ḵoona da ḵababbain, maapos, an-amsew, ansoḵaḻ, ḵad andongdong-og.

Luke 12:16

Pun ḵanan Jesus we nangipani, “Inninggaw baḵnange nan-apit aḵ amod,

Luke 16:14

Dingngoḻ ḵad da Pharisee imbagan Jesus, inam-amsewda te siya pionda pilaḵ.

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.

Luke 8:14

Da naottag atte laslasi, isuda da tagu we dongngonda Ugud Apudyus. Yaḵon gapu'tta binimbinsawda'tta ḵinabaḵnang ya laylayad si annae biyag, adidapun tungaguwon ugude dingngoḻda ḵad adipun maobos da ḵoḵoḵḵonda.

1 Corinthians 6:10

da aḵḵawan, da ḵamommod, da bartekero, da an-ugud aḵ lawweng atta asintataguda, da tulisan, adidapun gangganason da laḵsunda si midog-anda si ampangatan Apudyus.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

2 Timothy 3:2

Te sa ugalin da tagu'tte sadi, abus aḵ ayatonda long-agda, ḵamommodda si pilaḵ, itaḻayagda da long-agda ya ansoḵaḻ da somsomoḵda. Amsewonda da buḻunda, adidapun tuttuwaon da amada ḵan inada, ippun igammudae anggappiya ya adidapun amati ḵan Apudyus.

Hebrews 13:5

Adiyu ḵamommodon adu we pilaḵ. Mat-op ḵayu oḵyan atta awad ḵan diḵayu. Te ḵanan Apudyus, “Aaddi ye adiḵpun paat diḵayu tenan baḵon nu iwaḻang.”

2 Peter 2:14

Ḵad pionda adaḻugon da ngaimane bubai ye ilanda, adidapun mappoge bumasubasuḻ. Nalaingda bose angawis atta tagu we adipun ampigsa pammatida ta masubsubdae bumasuḻ. Ummingsada si ḵamommod. Aaddi ye dusaon Apudyus dida.

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.