Luke 11:49 - Sa Ugud Apudyus

⁴⁹ Sadi angipaila'tte ḵinalaing Apudyus we ḵanana, ‘Ibuunḵu da profetaḵ ya da apostol ḵan dida ya gongatonda da udum ḵad ampaḵaḻamonda bos da udum.’

Luke 11:49 Iomraidhean Croise

Matthew 22:6

Da udum ḵad, dinoḵmaanda da sammilun ni ari woḵ nampaḵaḻamonda dida woḵ asidaot dida gongaton.

Luke 11:48

Siya angipailae umunud ḵayu pagay atta ḵingwada. Te dida da nanggongat ya diḵayu nangwa'tta libonda.

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

John 16:2

Paḻyawon diḵayu'tta sinagoga. Ḵad dumatong timpu we ngaimane angongat ḵan diḵayu, ḵananapun nu ḵoona ḵad ḵaḵna, anserbi ḵan Apudyus.

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Acts 11:27

Sa sadi ye timpu, nan-osog da udume profetan Apudyus ad Antioch we naḻpu'd Jerusalem.

Acts 22:20

Sa nangongatanda ḵan Stephen we nanaḵdoḻ si mipanggob ḵan siḵa, tinataḵdogaḵe mismu we nanaḵdoḻ ya nanguwaḻda'tta silup da nangongat ḵan siya.’

Acts 7:57

Yaḵon da papangat da Judyu, impupda da ingada ya nanugtug-uyda ta adida dongngon da ibagana woḵ losanda induḵḵus

Acts 8:3

Yaḵon aḵ Saul iggaigganae namaḵaḻam atta namati ye magimugimung ḵad linnoḵna da boḻoyda woḵ nalluyluy atta laḻaḵi ḵan da bubai pun impaibaḻudna dida.

1 Corinthians 1:24

Yaḵon ḵan ditaḵu we pinilin Apudyus, Judyu man baḵon nu Gentil, igammu taḵu we aḵ Kristu siya ḵabooḻan Apudyus ḵan ḵinalaingna.

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

Ephesians 4:11

Ḵad siya bos nangitod atta nankalakalasi ye ḵabooḻan atte gimung da namati. Dinutuḵana da udum aḵ apostol ya da udum aḵ profetana. Da udum dinutuḵana'ḵ angiwaḻagawag si Ambaḻu we Damag atta ḵinailin di ili ya da udum aḵ pastor ya da udum aḵ mimistulu.

Colossians 2:3

Siya nangigammuwan taḵu'tta losane nililimode laing ya sa somsomoḵ Apudyus.

Revelation 16:6

Te sana da tagu we namatoy atta tagum ya da profetam we pinapoy-asda da daḻada pun anna bose ipainumnu ḵan dida daḻa. Te siya gungunada!”

Revelation 18:20

“Diḵayu we awad ad langit, anggangganas ḵayu'tte nadadailana. Diḵayu we tagun Apudyus, da apostol ya da profetana, maganasan ḵayu bos te dinusan Apudyus sanae siyudad gapu'tta losane ḵingwana ḵan diḵayu.”