Luke 11:29 - Sa Ugud Apudyus

²⁹ Ummaduadu ḵad da tagu we nadagup ḵan Jesus ḵanana ḵan dida, “Diḵayu we tagu sinsana, lawwelawweng ḵayu. Ḵodaḵodawonyu we ḵooḵ da nakaskasdaawe sinyal ta amanoḵnoḵe aḵ Apudyus nangibuun ḵan saḵon. Naid! Adiḵpun ḵoon. Sa abuse mipaila, isun ni naḵwa ḵan Profeta Jonah.

Luke 11:29 Iomraidhean Croise

Matthew 3:7

Yaḵon innilan ḵad John da adu we Pharisee ḵan da Sadducee ye umoy ampabonyag ḵan siya, ḵanana, “Diḵayu we ganaḵ ni uḻog! Nankamali sinomsomoḵyu we nangibagae lamogyu iligsi da long-agyu'tte madusaanyu ḵan Apudyus nu pabonyag ḵayu.

Mark 8:38

Ngaimane angibain ḵan saḵone Abeng Di Tagu ya da tuttuduḵ si sanae ḵabasbassuḻane lunap, ibainḵu bos dida nu mipauliyaḵ ad luta. Te nu mipauliyaḵ buḻunanaḵ atta nasantuwane anghel ya ipailaḵ dayaw Amaḵ.”

Luke 11:16

Da udum ḵad os, pionda padason aḵ Jesus, pun ḵindawdae ḵoona nakaskasdaawe maḻpu'd langit ta mapanoḵnoḵane aḵ Apudyus nangibuun ḵan siya.

Luke 11:50

Pun da tagu ḵad sinsana, madusada gapu'tta nagongatan da losane profeta inggan ni lapun ni lubung.

Luke 12:1

Sa naḵwaan da sadi, ḵalibulibu da tagu we nadagup ḵan Jesus woḵ magusgusdan da suḵin da udum. Pun ummunae tinuttuduwan Jesus da disipuluna woḵ ḵanana, “Ummanyu ta adi ḵayu maalisan atte yeast da Pharisee te ḵapappailada!

Luke 9:41

Ḵanan Jesus atta tagu, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abengnu ḵan saḵon.”

John 2:18

Innilan ḵad da papangat da Judyu ḵingwana ḵananda, “Ngai sinyale ipailam ḵan diḵani ta panoḵnoḵame anna ḵaḻabbongame angwa'tta ḵaḵna?”

John 6:30

Ḵananda bos, “Ngai nakaskasdaawe sinyale ḵoom ta ilanni ya amati ḵani'tta imbagam? Ngai ḵoom?

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

1 Corinthians 1:22

Te da Judyu, ḵasapuḻan da awad mipaila'ḵ nakaskasdaaw aḵ amatiyanda. Ḵad da Gentil, siya singtonda ḵinalaing.