Luke 11:22 - Sa Ugud Apudyus

²² Yaḵon nu dumatong naḵosḵosdoḻ nu siya, maḵapatoy ya oḻgona ta aḻana da aggomnae antaḻgodana ya da ḵuḵuwana. Ḵad iwaḻasna'tta buḻunna.

Luke 11:22 Iomraidhean Croise

Luke 11:21

“Aḵ Satan ḵad, mipani si tagu we maasngaan. Nu adu aggomna ya guwaḻdaana boḻoyna, naippun lamog angaḵaw atta ḵuḵuwana.

Luke 11:23

“Ngaimane adipun tumimpuyug ḵan saḵon, sumullagi ḵan saḵon ya ngaimane adipun bumadange anagup atta tagu we amati ḵan saḵon, amo buḵaḻona da tagu we umali ḵan saḵon.”

Ephesians 6:11

Iḵabotyu da losane aggome mausar aḵ saḻaḵnib da long-agyu we innatod Apudyus ta adi ḵayu paḵḵog si angallelaw Satan.

Ephesians 6:13

Pun isun da suḻdadu we ansagsagana'tte gubate iḵabotda da aggomda ḵad ḵasapuḻan ose usaron taḵu da losane itton Apudyus ḵan ditaḵu ta anaḻaḵnib ḵan ditaḵu ḵan anullagi ḵan Satan we ḵabusuḻ taḵu'tte timpu we anuḵḵusana ḵan anulisugana ḵan ditaḵu. Te nu ḵoonyu ḵatti, anḵosdoḻ ḵayu we maḵagubat ḵan Satan inggana'ḵ magangput gubat ḵan adinapun paat ogon oḻgon diḵayu.

Colossians 2:15

Ḵad gapu'tte natoyan Kristu atte kros, ḵinaan Apudyus ḵabooḻan ḵan ḵaḻabbongan ni adipun maila ḵad impailanae illogna dida si antotollong da losan.

1 John 3:8

Ḵad sa pagapagatupanae bumasubasuḻ, nidoga ḵan Satan te aḵ Satan ḵad bummasuḻ inggan ni laplapu. Pun siya gapun ni ummaliyan ni Abeng Apudyus sina'd luta ta dadailona da ḵoon Satan.

1 John 4:4

Aabengḵu, diḵayu da abeng Apudyus ya illogyu da sinan profeta te adidapun lamog inallelaw diḵayu. Te sa Ispiritu Santu we awad ḵan diḵayu, amo maḵabooḻ nu aḵ Satan we angipangat atta tagu we adipun namati.