Luke 11:13 - Sa Ugud Apudyus

¹³ Pun diḵayu we ḵabasbassuḻan, igammuyu we angitod si ambaḻu'tta abengyu, maguḻaman aḵ Amayu'd langit adina itton Ispiritu Santu atta anḵodaw ḵan siya?” Sana mungimung ni tutttudun Jesus mipanggob atte luwaḻu.

Luke 11:13 Iomraidhean Croise

Matthew 5:16

Isuna bose ḵasapuḻane silawanyu oḵyan da tagu ta ilanda ambaḻu we ḵoonyu ḵad dayawonda'ḵ Amayu'd langit.”

Matthew 5:45

ta mipailae diḵayu tuttuwae abeng Amayu'd langit. Te ḵan siya, iyyunudna inite ḵingwana'ḵ lumangḻang atta naun-unane tagu we isuna bos atta tagu we angwa'tta lawweng ya innatodna bos udan ta maudanan lutan da tagu we angwa'tta pinion Apudyus ya da tagu we angwa'ḵ lawweng.

Matthew 6:14

Pun ḵanan Jesus, “Nu pakawanonyu da naḵabasuḻ ḵan diḵayu, pakawanon os diḵayu ḵan Amayu'd langit.

Matthew 6:30

Pun nu ḵaḵnat itton Apudyus we binaḻun da lumune matagu sinsadi ya appigat miballuda si apuy, aaddi ye ittona bos da silupe ḵasapuḻanyu. Diḵayu ḵad, ngaipa aḵit pammatiyu?

Matthew 6:32

Te ḵaḵnat singsington da losane tagu we adipun angigammu ḵan Apudyus. Yaḵon ḵan diḵayu, iniiggammun Amayu'd langit da ḵasapuḻanyu.

Matthew 7:11

Pun diḵayu we ḵabasbassuḻan, igammuyu we angitod si ambaḻu'tta abengyu, maguḻaman aḵ Amayu'd langit adina itton ambaḻu'tta anḵodaw ḵan siya. Sana mungimung ni tuttudun Jesus mipanggob atte luwaḻu.

Luke 11:12

Ḵad nu anḵodaw aḵ iplug, ittonyu ḵamman gayyaman?

Luke 11:2

Ḵanan Jesus ḵan dida, “Ḵaḵna inonyu we alluwaḻu. “ ‘Amani, madayawḵa oḵyane nasantuwane Apudyus. Dumatong oḵyan ampangatam sina'd luta.

Luke 18:7

Adimpun ḵamman Apudyus itton ḵalintogan da pinilinae tagu we anḵodaw aḵ ḵadagu ḵan siya si inaḻgaw ya nilabi? Itaḻyanna ḵamman badangna?

John 4:10

Ḵanan Jesus, “Nu inigammum atod Apudyus ya inigammum nu ngaiyaḵe anḵodaw atte danum, siḵa oḵyan anḵodaw ta ittaḵ siḵa si danume angitod si biyag.”

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

Romans 5:17

Tuttuwae gapu'tte basuḻ ni ossaane tagu, ḵasapuḻane matoy da losane tagu. Yaḵon amo daldallu nambanagan ni ḵingwan Jesu Kristu. Te da losane umawat atte ummamdane ḵinabaḻun Apudyus ya sa libli ye atodna, siya angwa ḵan dida'ḵ maun-unan ḵad awatonda biyag aḵ inggana ya midogada ḵan Kristu we ampangat aḵ inggana.

Romans 7:18

Te igammuḵe naippun ambaḻu'ḵ gagangaye ugalin di tagu we anna ḵan saḵon. Te taḵon ay nu pioḵe angwa'tta ambaḻu, adiyaḵpun maḵaḵwa.

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.