Luke 10:42 - Sa Ugud Apudyus

⁴² Taḵon ay nu ḵatti, os-ossaan ḵasasappuḻan. Siya annate pinilin Mary, sa ḵapatogane ippun paat maḵaaḻa.”

Luke 10:42 Iomraidhean Croise

Mark 8:36

Te ngai ḵad ain maganab ni tagu nu anḵuwana da losane binaḵnang atte lubung yaḵon taḻaḵona ḵalidodwana ya madusa'ḵ inggana? Naippun!

Luke 10:39

Inninggaw os aḵ Mary ye sunudnae tummuḵdu si adanin Jesus ta dongngona tuttuduna.

Luke 11:1

Sin-aḻgawan ḵad, alluwaluwaḻu'ḵ Jesus atte osae lugar. Nagangput ḵad, ḵanan ni osa'tta disipuluna ḵan siya, “Apu, tuttuduwam ud diḵani ye alluwaḻu we isun ni nantututtudun John we Ambobonyag atta disipuluna.”

Luke 12:20

“Yaḵon ḵanan Apudyus, ‘Dong-ogḵa! Sinsadi ye labi, matoyḵa! Pun ngai ḵamman anginḵuwa'tta sadi ye pinomponnu?’ ”

Luke 12:33

Pun inginayu da ḵuḵuwayu ta ittonyu'tta ḵapus. Te nu ḵoonyu ḵaḵna, isuyun amompon aḵ binaḵnang ad langite annat atta pitaḵayu we adipun maaminan aḵ pilaḵ ya ippun angaḵaw ḵan anadail.

Luke 16:2

Pun impaayag ni baḵnang woḵ ḵanana ḵan siya, ‘Ngai dingngoḻḵu we mipanggob si nanangtanggaam atta ḵuḵuwaḵ? Idatongnu listaan da tinangḵonam te ḵaanoḵ siḵa si ḵewaaḻnu.’

Luke 16:25

“Yaḵon ḵanan Abraham, ‘Abengḵu, iḵagasmoḵnu timpun ni nataguwame allin-awa biyagnu. Ḵad aḵ Lazarus, nampaḵaḻam. Yaḵon sinsadi, annae allaylayad sina ya siḵa ḵad, annate ampaḵapaḵaḻamḵa.

Luke 18:22

Dingngoḻ ḵad Jesus, ḵanana ḵan siya, “Os-ossaan adimpun ḵingwa. Inḵa ingina da losane ḵuḵuwam ya iwaḻasnu bayadda'tta ḵaḵapus woḵ awad de binaḵnangnu we inggappot Apudyus ad langit. Umaliḵa, tun-udonaḵ.”

Luke 8:18

“Gapu'tte sadi, sisinnoogonyu da annae ibagaḵ. Te sa anuttuwa si dingngoḻna, amo madog-an an-aawatna. Yaḵon sa tagu we adinapun ḵoon dingngoḻna, taḵon ay aḵite ḵananae awad ḵan siya, maḵaan.”

John 11:1

Inninggaw laḻaḵi ye nasaḵite nangngadan aḵ Lazarus ad Bethany ye ilin da Mary ḵan Martha we sunudna.

John 11:19

Pun adu da Judyu we ummoy nalliwliwa ḵan da Mary ḵan Martha mipanggob si sunudda.

John 12:3

Nangwa ḵad aḵ Mary, innaḻana gogwan di litro we napan-ige nard we sa ampatopatoge bangbanglu. Ḵingwana ḵad, inisigna'tta suḵin Jesus woḵ pinunasana'tte buuḵna. Pun nangalliwoḵ banguna si boḻoy.

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

John 6:27

Adiyu gamgaman maḵane madadail yaḵon siya oḵyan gamgamanyu maḵane angitod si biyag aḵ inggana. Ḵad saḵone Abeng Di Tagu angitod atte sadi ye maḵan ḵan diḵayu te ummapyu'ḵ Apudyus we Amaḵ ḵan saḵon.”

1 Corinthians 13:3

Ḵad taḵon ay nu ittoḵ losan da ḵuḵuwaḵ atta ḵapus ya idatunḵu long-agḵu ta siya isḵaḻḵu nu naippun ayatḵu'tta asintataguḵ, naippun paat maganabḵu.

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.