Luke 10:41 - Sa Ugud Apudyus

⁴¹ Ḵanan Apu, “Martha, Martha, adu bos ay da ambinsawam.

Luke 10:41 Iomraidhean Croise

Mark 4:19

Yaḵon gapu'tta binimbinsawda'tta biyagda si annae lubung ya piondae bumaḵnang ya da udume amaamayonda, adidapun tungaguwon ugude dingngoḻda ḵad adipun mabaliwan da ugalida.

Luke 10:38

Pinagatupan Jesus ya da disipulunae nanaddaḻan inggana'ḵ dummatongda'tte ili. Inninggaw sidi'ḵ Martha we inayagana dida'ḵ ḵuwada.

Luke 10:40

Yaḵon aḵ Martha, nambinsaw atta adu we isaganana. Pun ummoy ḵan Jesus woḵ ḵanana, “Apu, naippun ḵamman ḵanana ḵan siḵa nu tenanaḵ ḵan sunudḵu we ansagana? Ibagam ḵappos ta badanganaḵ!”

Luke 12:22

Ḵanan Jesus atta disipuluna, “Pun annaya ibagaḵ ḵan diḵayu, adi ḵayu ambinsaw mipanggob si biyagyu, da ḵanonyu, baḵon nu mipanggob atta long-agyu ya da iḵabotyu.

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.

Luke 8:14

Da naottag atte laslasi, isuda da tagu we dongngonda Ugud Apudyus. Yaḵon gapu'tta binimbinsawda'tta ḵinabaḵnang ya laylayad si annae biyag, adidapun tungaguwon ugude dingngoḻda ḵad adipun maobos da ḵoḵoḵḵonda.

John 11:1

Inninggaw laḻaḵi ye nasaḵite nangngadan aḵ Lazarus ad Bethany ye ilin da Mary ḵan Martha we sunudna.

John 11:5

Aḵ Jesus ḵad, ay-ayatona da ansusunude da Martha, Mary ya aḵ Lazarus.

John 12:2

Pun minangilida dida woḵ nallusnu'ḵ Martha. Aḵ Lazarus ḵad, nidoga ḵan da Jesus atte ḵaḵaḵḵanan.

Philippians 4:6

Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.