Luke 10:21 - Sa Ugud Apudyus

²¹ Sa nangibag-ana'tte sadi, pinalayad ni Ispiritu Santu aḵ Jesus woḵ ḵananae nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng. On, ḵingwam ḵaḵna te siya piom.”

Luke 10:21 Iomraidhean Croise

Matthew 16:17

Pun ḵanan Jesus, “Pianḵa ḵammos, Simon we abeng Jonah te daḵampun aḵ tagu nangipaigammu ḵan siḵa nu adi aḵ Amaḵ we awad ad langit.

Matthew 21:16

Ḵananda ḵan Jesus, “Dingngoḻnu ḵamman iyip-ipḵaw da annae abeng?” Ḵanan Jesus, “On, dingngoḻḵu. Iḵagasmoḵyu oḵyan binasayu si nigili ye Ugud Apudyus we ḵanana, ‘Tuttuduwan Apudyus da abeng ya da uttinge gattoḵe andayaw ḵan siya.’ ”

Matthew 3:7

Yaḵon innilan ḵad John da adu we Pharisee ḵan da Sadducee ye umoy ampabonyag ḵan siya, ḵanana, “Diḵayu we ganaḵ ni uḻog! Nankamali sinomsomoḵyu we nangibagae lamogyu iligsi da long-agyu'tte madusaanyu ḵan Apudyus nu pabonyag ḵayu.

Mark 10:15

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Luke 15:5

Ḵad nu odasana, amod de layadna ya buḵudonae umoyon.

Luke 15:9

Ḵad nu odasana, ayagana da buḻbuḻunna ḵan daḻnigna ya ḵanana, ‘Maḵagangganas ḵayu ḵan saḵon te annae indasaḵ pos pagay nataḻaḵe palataḵ!’ ”

John 11:41

Pune sadi, ḵinaanda batu. Ḵanan Jesus we nantangad, “Ama, anggappiyaaḵ ḵan siḵa te dingngoḻnu saḵon.

2 Corinthians 4:3

Ḵad taḵon ay adimpun da udume tagu maawatan Ambaḻu we Damag we iwaḻagawagni ye isun di natatallingdan, abuse natalingdan atta madusa'ḵ inggana.

Ephesians 1:11

Losane maḵwa, mibatay atte gagangaye planun Apudyus. Pinilina diḵani ye Judyu aḵ ambaline taguna gapu si niyossaananni ḵan Kristu. Te siya gagangaye planuna inggan ni lapuna,

Ephesians 1:5

inggallapuna simsimmoḵe ambalinon ditaḵu'ḵ abengna mipagapu ḵan Jesu Kristu te siya piniona ya panggobna'tte amalayad ḵan siya.