Luke 1:76 - Sa Ugud Apudyus

⁷⁶ Pinagatupan Zechariah woḵ ḵanana, “Siḵa ḵad John we abengḵu, ngannonda siḵa profetan ni Ḵangatuwane Apudyus, te umunaḵa nu aḵ Apu ta isaganam daḻanna.

Luke 1:76 Iomraidhean Croise

Matthew 14:5

Taḵon ay nu pion Herod pagongat, umogyat atta adu we tagu te ibelangda'ḵ John we profeta.

Matthew 21:26

Yaḵon nu ḵanan taḵu we sumongbat, ‘Naḻpu'tta tagu,’ siya iyogyat taḵu nu ngai ḵoon da tagu ḵan ditaḵu te losanda pinati ye profeta'ḵ John.”

Matthew 3:11

“Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

Matthew 3:3

Aḵ John, siya inggilin Profeta Isaiah we ḵanana, “Sa bumbummaaw, awad de angiwaḻagawage ḵanana, ‘Saganaonyu daḻan atte umaliyan Apu ya pagodongonyu daḻane ayona.’ ”

Mark 11:32

Yaḵon adipun maḵwae ḵanan taḵu we, ‘Naḻpu'tta tagu.’ ” Umogyatda nu ngai ḵoon da tagu ḵan dida te pinatida losane gattoḵe profeta'ḵ John.

Luke 1:32

Amod ḵabooḻana ya ngannonda Abeng ni Ḵangatuwane Apudyus. Siya an-ariyon Apudyus we isuna'ḵ Ari David we daḵdaḵoḻna.

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

Luke 6:35

Yaḵon ayatonyu da ḵabusuḻyu ya ḵoonyu da ambaḻu ḵan dida, ḵad pagawatanyu dida taḵon ay nu adiyupun namnamaone ipaulida. Nu ḵoonyu ḵaḵna, daḵoḻ gungunayu ya miyiyap ḵayu'tta abeng ni Ḵangatuwane Apudyus. Te aḵ Apudyus, an-anggom atta lawweng ya da adipun antawili.

John 1:23

Ḵanan John, “Saḵon inninggaw si bumbummaawe ḵanaḵe angiwaḻagawag, ‘Pagodongonyu daḻan si umaliyan Apu.’ ” Aḵ John nituttuwaan ni inggilin Profeta Isaiah si awe.

John 1:27

Siya umun-unud ḵan saḵon ḵad gapu'tte ḵinangatuna, ippun labbongḵu we anguḵas atte sandalna.”

John 3:28

Diḵayu we mismu anaḵdoḻ atte imbagaḵe daḵampun aḵ saḵon Kristu yaḵon saḵon imbuun Apudyus we umuna nu siya.

Acts 16:17

Nitun-ud babaḻasang ḵan diḵani ḵan Paul woḵ ḵananae nangiyipḵaw, “Da annae tagu sammilun ni Ḵangatuwane Apudyus! Iwaḻagawagda ḵan diḵayu daḻan ni mataguwan!”