Luke 1:65 - Sa Ugud Apudyus

⁶⁵ Naḵimtan da ḵailiyanda woḵ nandinongoḻ ugud atte mipanggob si naḵwa'tta losane ili'tta probinsiya'd Judea.

Luke 1:65 Iomraidhean Croise

Matthew 2:1

Aḵ Jesus ḵad niyanaḵ ad Bethlehem atte probinsiya'd Judea si nampangatan Ari Herod. Baag-en inninggaw da ummoy ad Jerusalem we naḻpu si dumingitan init. Nalaingdae angibaga'tta pion da bituwon ḵanan.

Luke 1:39

Sa sadi ye aḻgaw, nallibbat aḵ Mary ye anḵamuḵamu we ummoy si boḻoy da Zechariah. Sa ilida ḵad, awad atte tagudtud si probinsiya'd Judea.

Luke 2:18

woḵ da losane nangngoḻ, amod de nantataagda.

Luke 5:26

Pune sadi, nataag da inninggaw sidi ye tagu ḵan naḵimtanda'tta innilada woḵ ḵanandae nangidaydayaw ḵan Apudyus, “Atopay! Nakaskasdaaw pagay innilani sinsadi!”

Luke 7:16

Pun naḵimtan da losane tagu woḵ indaydayawda bos aḵ Apudyus. Ḵananda, “Atopay! Sa annae profeta we ummali ḵan ditaḵu, amod pagay ḵabooḻana!” Ḵanan os da udum, “Ummali'ḵ Apudyus ta badangana ditaḵu we taguna!”

Acts 19:17

Inigammun ḵad da losane ummili'd Ephesus, Judyu baḵon nu Gentil da naḵwa, naḵimtanda woḵ indaydayawda ngadan Apu Jesus.

Acts 2:43

Nataag da adu we tagu te adu da nakaskasdaaw ya sinyale naḵwa mipagapu'tta apostol.

Acts 5:11

Pun da losane namati ya da losane nangngoḻ atte naḵwa, amod pagay ḵimutda.

Acts 5:5

Dingngoḻ ḵad Ananias imbagan Peter, napittuwaḵ woḵ natoy. Pun nillumnoḵ da babaḻu woḵ binusdungda'tte luput long-agna woḵ ummoyda illibon. Da losane nangngoḻ atta naḵwa ḵan siya amod de ḵimutda.

Revelation 11:11

Yaḵon maḻaḵpus ḵad tuḻun aḻgaw ya gogwa, sa angose maḻpu ḵan Apudyus we angitod atte biyag lumnoḵ ḵan dida ya summiḵadda. Ḵad amod de ogyat da angila ḵan dida.