Luke 1:32 - Sa Ugud Apudyus

³² Amod ḵabooḻana ya ngannonda Abeng ni Ḵangatuwane Apudyus. Siya an-ariyon Apudyus we isuna'ḵ Ari David we daḵdaḵoḻna.

Luke 1:32 Iomraidhean Croise

Matthew 1:1

Annaya listaan da danaḵḵoḻ Jesu Kristu we siya pinilin Apudyus aḵ Anagu ḵan An-ari. Siya ganaḵ Ari David ya ganaḵ os Abraham.

Matthew 12:42

Ḵad sa de Queen ad Sheba atte awe ye naḻpu'tte adaddayuwane ili'd daya, maḵataḵdog atta tagu we matattagu sinsadi si aḻgawe anguwisan Apudyus atta losane tagu. Sa gunayna amanoḵnoḵe dusaon oḵyan Apudyus diḵayu. Te taḵon ay adaddayuwan naḻpuwana, ummali sina'd Israel ta dongngona da ugud Ari Solomon we allaing. Taḵon ay nu annaaḵ sinsadi ye nangatngatu nu aḵ Solomon, adiyupun os dongngon ya tuttuwaon da ugudḵu.”

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

Matthew 3:11

“Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

Mark 14:61

Yaḵon gummiginnoḵ. Ḵanan os ni ḵangatuwane padi, “Siḵa ḵad ain Kristu we Abeng ni madaydayawe Apudyus?”

Mark 5:7

Pun ḵananae napapḵaaw, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus! Ibagam ḵappos ḵan Apudyus ta adina saḵon dusaon!”

Luke 1:15

te ampatog atte antotollong Apudyus. Adipun oḵyan uminum aḵ bayas ya da udume bumartek. Taḵon ay sissiyaana'tte buwang inana, inggaw ḵabooḻan ni Ispiritu Santu ḵan siya.

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

Luke 1:76

Pinagatupan Zechariah woḵ ḵanana, “Siḵa ḵad John we abengḵu, ngannonda siḵa profetan ni Ḵangatuwane Apudyus, te umunaḵa nu aḵ Apu ta isaganam daḻanna.

Luke 3:16

Ḵanan John ḵan dida, “Bonyagaḵ diḵayu si danum. Yaḵon sa umali ye nangatngatu nu saḵon, bonyagana diḵayu si Ispiritu Santu ḵan apuy. Gapu si ḵinangatuna, naippun labbongḵu we anguḵas si sandalna.

Luke 6:35

Yaḵon ayatonyu da ḵabusuḻyu ya ḵoonyu da ambaḻu ḵan dida, ḵad pagawatanyu dida taḵon ay nu adiyupun namnamaone ipaulida. Nu ḵoonyu ḵaḵna, daḵoḻ gungunayu ya miyiyap ḵayu'tta abeng ni Ḵangatuwane Apudyus. Te aḵ Apudyus, an-anggom atta lawweng ya da adipun antawili.

John 12:34

Pun ḵanan da amode tagu, “Sa igammuni'tte lintog taḵu, aḵ Kristu matagu'ḵ inggana. Pun ngai inonae ḵaname ḵasapuḻane mipangatu Abeng Di Tagu? Ngai ḵad ain annae Abeng Di Tagu?”

John 6:69

Namati ḵani ḵan iniiggammuni ye siḵa nasantuwane imbuun Apudyus.”

Acts 16:17

Nitun-ud babaḻasang ḵan diḵani ḵan Paul woḵ ḵananae nangiyipḵaw, “Da annae tagu sammilun ni Ḵangatuwane Apudyus! Iwaḻagawagda ḵan diḵayu daḻan ni mataguwan!”

Acts 2:30

Gapu ta osae profetan Apudyus, inigammuna gattoḵe inkarin Apudyus ḵan siyae awad de osae ganaḵnae iggana si tronona.

Acts 2:36

“Pun ipaigammuḵ ḵan diḵayu we losane ganaḵ Israel we aḵ Jesus we impattoḻyu'tte kros, pinilin Apudyus aḵ Apu ya Kristu.”

Acts 7:48

“Yaḵon aḵ Apudyus we Ḵangatuwan, daḵampun aḵ inggaw atte boḻoye tinaḵad di tagu te sa ḵanan ni profeta,

Romans 1:4

Nu mipanggob os si ḵinaapudyusna, impailan Apudyus we siya maḵabooḻe Abengna atte ummuliyana. Siya'ḵ Jesu Kristu we Apu taḵu.

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.