Luke 1:27 - Sa Ugud Apudyus

²⁷ te awad de imbagana'tte babaḻasange nangngadan aḵ Mary. Ippun natnattoḵana ya nituḻage asaw-ona'ḵ Joseph we ganaḵ Ari David.

Luke 1:27 Iomraidhean Croise

Matthew 1:16

Aḵ Jacob aman Joseph. Ḵad aḵ Joseph asawan Mary ye nangiyanaḵ ḵan Jesus we awaganda'ḵ Kristu.

Matthew 1:18

Annaya ug-uggud ni niyanaḵan Jesu Kristu. Sa inanae aḵ Mary, nantuḻagdae an-asawada ḵan Joseph. Yaḵon sa daanda an-asaw-an, nabugi'ḵ Mary mipagapu si ḵabooḻan ni Ispiritu Santu.

Matthew 1:23

“Baag-en, mabugi babaḻasange ippun natnattoḵana. Umanaḵ aḵ laḻaḵi ḵad mangadanan aḵ Emmanuel.” Sa piona ugudon, “Anna ḵan ditaḵu'ḵ Apudyus.”

Luke 1:28

Pun dummatong ḵad anghel ḵan siya ḵanana, “Annaaḵ! Lumayadḵa te anna'ḵ Apudyus ḵan siḵa ya amod de ḵinabaḻuna ḵan siḵa.”