Jude 1:7 - Sa Ugud Apudyus

⁷ Isun os ni naḵwa'tta ummili'd Sodom ḵan Gomorrah ya da nampaliḵwose ili. Naḵabasuḻda ḵad atte dagdagas ya da losane pipion da long-agda, singgob Apudyus dida ya da ilida. Pun sadi oḵyan angipaila ḵan ditaḵu we dusaon Apudyus da adipun amati si apuye ippun maḵdopana'ḵ inggana.

Jude 1:7 Iomraidhean Croise

Matthew 10:15

Ibagaḵ ḵan diḵayu ḵatuttuwaan, nu dumatong anguwisan Apudyus atta losane tagu, nadagdagson dusan da tagu si sadi ye ili nu sa dusan da iSodom ḵan iGomorrah.”

Matthew 11:24

Yaḵon ibagaḵ ḵan diḵayu we nu dumatong anḵuwisan Apudyus atta losane tagu, nadagdagson dusayu nu da iSodom.”

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Luke 17:29

inggana si aḻgawe tinenan da Lot sadi ye ili. Nagangput ḵad, naottag apuy ya da bumaḻabaḻae batu we ngannonda sulfur we naḻpu'd langit woḵ naamin nadadail.

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

2 Thessalonians 1:7

Sa sadi bose timpu, paginḵon Apudyus da ampaḵaḻaman taḵu we sana. Ḵoona da sana nu ampaila'ḵ Apu Jesus atte umaliyana ḵasine maḻpu'd langite buḻunna da maḵabooḻe anghelna.

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

2 Peter 2:2

Yaḵon adu da angunud atta ḵababbaine antataguda ḵad gapu ḵan dida, ibagadae lawweng ḵatuttuwaan.

2 Peter 2:6

Dinusan os Apudyus da siyudad ad Sodom ḵan Gomorrah. Te singgobna da tagu ya da ilida inggana'ḵ dummapuḻda ya nambalinona dida'ḵ ampaniyan da adipun amati ḵan siya.

2 Peter 3:7

Sinsadi, mipagapu bos atte Ugud Apudyus, nisasaggana annae langit ḵan lutae dadailon ni apuy nu dumatong aḻgawe anguwisan Apudyus atta tagu we ḵabasbassuḻan ta madusada'ḵ inggana.