Jude 1:3 - Sa Ugud Apudyus

³ Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.

Jude 1:3 Iomraidhean Croise

Acts 17:3

Impaḵaawat Paul ḵan pinanoḵnoḵanae ḵasapuḻane ampaḵaḻam aḵ Kristu ya matoy ḵad umuli. Pun ḵanana, “Sa annae Jesus we iwaḻagawagḵu ḵan diḵayu, siya Kristu.”

Acts 18:28

Te allainge naḵasossongbat atta Judyu woḵ illogna dida te pinanoḵnoḵana si Ugud Apudyus we aḵ Jesus siya Kristu.

Acts 20:27

Te impaigammuḵ ḵan diḵayu da losane pinion Apudyus.

Acts 28:28

Pun pioḵe ipaigammu ḵan diḵayu we awad de imbuun Apudyus we umoy angibaga'tta Gentil si inon Apudyus we anagu'tta tagu ḵad andongoḻda.”

Acts 4:12

Abus aḵ Jesus aḵ Anagu ḵan ditaḵu. Te naippun udum aḵ ngadan si intero we lubung aḵ innatod Apudyus atta tagu'ḵ maḵwae anagu ḵan ditaḵu.”

Acts 6:7

Pun amo nandinongoḻ Ugud Apudyus ya amo nadog-an belang da namati'd Jerusalem. Inggaw da adu we papadi ye inunudda ustu we pammati.

Acts 9:13

Yaḵon summongbat aḵ Ananias woḵ ḵanana, “Apu, adu da nangngoḻaḵ si mipanggob atte annae tagu ya adu da ḵingwana'tta tagum ad Jerusalem.

Acts 9:22

Yaḵon amo pummigsa ḵabooḻan Saul we angiwaḻagawag. Pinanoḵnoḵanae aḵ Jesus siya Kristu ḵad da Judyu'd Damascus adidapun maḵasongbat ḵan siya.

1 Corinthians 15:3

Sa intuttuduḵ ḵan diḵayu, sadi amo ummunae ḵapatogane inigammuḵe natoy aḵ Kristu gapu'tta basuḻ taḵu we mibatay atte nigili ye Ugud Apudyus.

Galatians 2:5

Yaḵon adinipun pulus iyyunud taḵon ay sin-aḵitan ta adi mabaliwan ḵatuttuwaan ni Ambaḻu we Damag we patiyonyu.

Galatians 3:28

Ḵad nu ḵatti, sa antotollong Apudyus, naippun mangadanan aḵ Judyu baḵon nu Gentil, musassu baḵon nu daḵampun, laḻaḵi baḵon nu bubai te os-ossaan ḵayu gapu si niyossaananyu ḵan Jesu Kristu.

Galatians 6:11

Saḵone mismu nangigili si annae anungus ni suḻat. Ilanyu ḵadanaḵḵoḻ ni giliḵ!

Ephesians 1:1

Saḵon aḵ Paul we apostol Jesu Kristu mipagapu'tte pinion Apudyus. Annaya suḻatḵu ḵan diḵayu we tagun Apudyus ad Ephesus we ipapatidae amati ḵan Jesu Kristu.

Philippians 1:1

Diḵani ḵan da Paul ya aḵ Timothy ye anserbi ḵan Jesu Kristu. Annaya suḻatni ḵan diḵayu losan sinat ad Philippi we tagun Apudyus gapu si niyossaananyu ḵan Jesu Kristu, midoga da angipangpangu ḵan diḵayu ya da deacon.

Philippians 1:27

Yaḵon taḵon ay nu ngai maḵwa, ilanyu ta mibagay antataguyu si Ambaḻu we Damag mipanggob ḵan Kristu ta umaliyaḵ ta iyyaḵ diḵayu ilan baḵon nu adiḵpun dongngon oḵyan mipanggob ḵan diḵayu, igammuwoḵ ose sissiyae ampigsa pammatiyu we os-ossaan panggobyu. Ḵad ḵasapuḻane an-os-ossaan os somsomoḵyu we angitaḵdoḻ si pammatiyu we mibatay si ḵatuttuwaan ni Ambaḻu we Damag,

Colossians 1:2

Annaya suḻatni ḵan diḵayu we tagun Apudyus ya mataḻgodane susunudni ḵan Kristu ad Colossae. Awad oḵyan ḵan diḵayu ḵinabaḻu ḵan lin-awae maḻpu ḵan Apudyus we Ama taḵu.

1 Thessalonians 2:2

Te inigammuyu we taḵon ay nu nampaḵaḻamon ya inang-angyagda diḵani sidi'd Philippi si daanni ayan sinat ad Thessalonica, innatod Apudyus tuḻodni ye nangiwaḻagawag ḵan diḵayu si Ambaḻu we Damag we naḻpu ḵan siya taḵon ay adu da summullagi ḵan diḵani.

1 Timothy 1:18

Da sanae imbilinḵu ḵan siḵa Timothy we imbelangḵu'ḵ abengḵu, mibatay atte nipadtu si awe atte mipanggob ḵan siḵa. Adim maliwatan da nipadtu si awe ta tumoḻodḵae maḵagubat atta losane lawweng.

1 Timothy 6:12

Iggam ḵabooḻame anaḵdoḻ si pammatim ya anserbi ḵan Apu Jesus we isun ni maḵatodtoddaḵe piona angngog ta magun-udna gungunae biyag aḵ inggana te sadi namiliyan Apudyus ḵan siḵa si timpu we nangibag-am atte sinagung da adu we tagu we namatiḵa ḵan Jesu Kristu.

2 Timothy 1:13

Nu antuttuduḵa, ilam ta uunnudom ḵatuttuwaane intuttuduḵ ḵan siḵa ya gogomgomam pammatim ḵan ayate innatod Jesu Kristu ḵan ditaḵu we niyossaan ḵan siya.

Titus 1:4

Annaya suḻatḵu ḵan siḵa Titus we imbelangḵu'ḵ abengḵu gapu si pammati taḵu. Awad oḵyan ḵan siḵa ḵinabaḻu ḵan lin-awae maḻpu ḵan Apudyus we Ama taḵu ya aḵ Jesu Kristu we anagu ḵan ditaḵu.

Hebrews 13:22

Susunudḵu ḵan Kristu, ḵodawoḵ ḵan diḵayu ta anusanyu dongngon da annae bagbagaḵe anoḻgag ḵan diḵayu te abobba annae suḻatḵu.

Hebrews 6:9

Taḵon ay nu ḵaḵna nan-uugudni ay-ayatonni ye buḻbuḻun, antaḻgod ḵani ḵan diḵayu. Te igammuni ye ambaḻu ḵasasaadyu we annamnama si mataguwanyu.

1 Peter 5:12

Inggiliḵ anna gapu si badang Silas we imbelangḵu'ḵ mataḻgodane sunud taḵu ḵan Kristu. Inggiliḵ annae abobbae suḻat ḵan diḵayu ta papigsaoḵ pammatiyu ḵan panoḵnoḵaḵ ḵan diḵayu annae tuttuwae ḵinabaḻun Apudyus. Sosomḵonyu we ustu sadi ye ḵinabaḻuna ta adiyu an-awidan.

2 Peter 1:1

Saḵon aḵ Simon Peter we osa'tta apostol Jesu Kristu we anserbi ḵan siya. Annaya bos suḻatḵu ḵan diḵayu we innattan Apudyus aḵ pammati ye ippun nisabaliyana si pammatini mipagapu si naun-unan Jesu Kristu we Apudyus taḵu ya Anagu ḵan ditaḵu.

2 Peter 2:21

Un-unnoyna oḵyan adida inigammu inon Apudyus we angwa si maun-unan da tagu nu sa igammuwonda ya umun-uni ḵad nan-awidanda biline maḻpu ḵan Apudyus we nituttudu ḵan dida.

Jude 1:1

Saḵon aḵ Jude we sammilun Jesu Kristu ya sunud James. Annaya suḻatḵu ḵan diḵayu we napili ya ay-ayaton Apudyus we Ama ya sinaḻaḵnibana inggana si mipauliyan Jesu Kristu.

Jude 1:17

Yaḵon ḵan diḵayu we ay-ayatoḵe buḻbuḻun, ḵasapuḻane adiyu maliwatan da imbagan da apostol Jesu Kristu we Apu taḵu.

Jude 1:20

Yaḵon ḵan diḵayu we ay-ayatoḵe buḻbuḻun, papigsaonyu da pammatiyu ḵan Apudyus. Ḵad alluwaḻu ḵayu'tte ḵabooḻan ni Ispiritu Santu.

Revelation 12:11

Yaḵon illog da susunud taḵu we namati gapu'tte daḻan ni Ubbu we Karnero we pummoy-as atte natoyana ya gapu si nangitaḵdoḻanda'tte ḵatuttuwaan te adidapun patpatgon da biyagda taḵon ay nu siya gapun ni natoyanda.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.