Jude 1:12 - Sa Ugud Apudyus

¹² Sa midog-anda ḵan diḵayu nu angan ḵayu ḵan ankumulgar ḵayu dumimoḵda. Ippun paat bainda, lawotda ḵan bartekeroda te sa long-agdae abus sosomḵonda. Mipanida'tta libuu we mibibbibbide ippun udanda. Isuda bos ḵayu we adipun amunga si ustu we amungaana baḵon nu sa ḵayu we naḻangu ya nabagut.

Jude 1:12 Iomraidhean Croise

Matthew 13:6

dummingit ḵad aḵ init naḻ-uyda woḵ naḻanguda te ammamaga luta ya adidapun ḵon lummamut.

Matthew 15:13

Ḵanan Jesus we nangipani, “Sa umali ye aḻgaw, da losane muḻae daḵampun aḵ immuḻan Amaḵ we awad ad langit, mabagutda.

Mark 4:6

dummingit ḵad ay init naḻ-uyda woḵ naḻanguda te naippun ḵon lamutda.

Luke 12:45

Yaḵon ḵanan ni sadi ye sammilu si long-agna, ‘Adipun masapae dumatong apuḵ.’ Ḵad isaḻadnae allamboḵ atta doganae sammilu ḵan maḵaḵan ya maḵain-inum atta bartekero.

Luke 16:19

Ḵanan Jesus, “Inninggaw laḻaḵi ye baḵnange nansilup atta ampapatoge silupe naḵwa'tte purple we sinnun ḵad inaḻgawe nansida ya anggangganas.

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.

Luke 8:6

Da udume buḵoḻe niwagawag, naottagda'tte bibbisil. Taḵon ay nu tummubuda, naḻ-uyda woḵ naḻanguda te ammamaga luta.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

Philippians 3:19

Te aaddi ye sa ambanagan ni biyagda, madusada'ḵ inggana'd infiernu. Te dida ḵad, siya ambalinonda'ḵ apudyusda da pipion da long-agda. Ḵad siya is-isḵaḻda da ḵababbaine ḵoḵoḵḵonda. Siya bos ipapuut ni somsomoḵda da awad si luta.

1 Timothy 5:6

Yaḵon sa baḻu we siya gay ipapuutna somsomḵon allam-ayana, isun di natoy atte mipanggob ḵan Apudyus taḵon ay nu sissiyae matattagu.

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

James 5:5

Amod de lam-ay ḵan ganas ni biyagyu sina'd luta. Ḵad isuyun baḵae tummabae madam-an misid-ana.